قهوتنا على الانترنت
ابحث عن :  
مشاهدة تغذيات RSS

Special Girl

نفسي أمشي في جنـــ‘ــــاز تك (ياريس)

تقييم هذا المقال
*بسم الله الرحمن الرحيم*
*السلام عليكم ورحمة الله وبركاته*



حلم

حلم بيجري جوا في قلبي يمكن قلبك شافه في يوم

حلم بيحلم بيه ستين سبعين تمانين مليون

فجأه ..فجأه نشوف قرآن شغال في التليفزيون

والمارشات بعد القرآن وأغاني وطنيه بميت لون

والمانشيت الاسود يملى الصفحه الأولى فـ كل جرايد اليوم

المانشيت الاسود يحكي كلام محزون

بس مخبي تحت الحبر الإسود فرحه

شعبنا زي عروسه في طرحه

وهو بيقرا نعى وفاتك خبى الضحكة تحت الصرخة

أيوة وفاتك ،
هــــو إنت مــا بتموتش ياعـــــم

مكتوب فى بطاقة التموين حصة هم وظلم وغم

نفسى أمشى فى جنازتك يوم
لو راح أمــــوت بعديها بيوم

بـــس أشــوف غيـرك عالـكرســى ،
إســود
أبيــض
طيـب
ظالــم
أهبل
عاقل
جاهل
عالم
مش راح تفرق لو صبى عالمة وإبن عوالم

ياااااه ده أنا مــــن يـــوم ما وعيــت عالدنيا وصورتــك واقفــة قصــادى

بسمة وشك تشبه لوح التلج الفاضى
واقف يتفرج على حلمى وحلم بلادى

حلـــم أبويــا وإبنــى وولــــدى وولــد ولادى
وهو بيتكسر حواليك وبتدفنه فى النار بإيديك


شــــوف كـــــام مليـون ماتـــــوا وهمــا بيدعوا عليـــك
شوف كام مليون حسوا بـ ذل ورفعوا إيديهم حسبنوا فيك
شوف كام مليون فى المستشفى
فى قلب جنازة فـى حضن الزفة
علــى أســـــــوار المعتقــلات
شوف كام مليون فى الجامعات
مرمييــن وســــط الطـرقــــات


شوف كام مليون مصرى دعاها
صحفى
مهندس
عاطل
ربة منزل
أسطى
مقاتل
نجار
ومدرس
ومحامى
مكانيكى
وطالــب
وحرامى
.. كــل الشعب بيدعـــى عليــك

يصحى مـــــن النـــوم يلاقيـــك نــورت التربــة يـا معـاليــك


كلمة أخيرة هقولها يا ريس
حقق حلــــم الشعب دا مرة

طول عمرك وإنت بتسقيه الدنيا المره
بس اللحظة إللى تموت فيها

صدقنى يا ريس


هتبقى بسطته لأول مرة ، لأول مرة .........

الكلمات الدلالية (Tags): لا يوجد إضافة/ تعديل الكلمات الدلالية
التصانيف
غير مصنف

التعليقات

  1. الصورة الرمزية aml_
    والله والله مية مية يا برنس اية الحلااوة دى حلللللللللللللللللللللللل للللللو
    اوى
    اوىاوى
  2. الصورة الرمزية دينارة
    ليه كدا
    ارحموا عزيز قوم زل
    افتكر ليه حجة كويسة وادعي لبلدنا بالخير والامن وسيب الحساب للحكم العدل ده برضو كان قائد وزعيم عدا ببلدنا محن كتير ربنا ينصر بلدنا
  3. الصورة الرمزية Special Girl
    ميرسي ليك
    نورت المدونة
  4. الصورة الرمزية العاشقة المجروحة
    جميلة اوى اوى اوى
    وتعرف انك بجد قولت اللى خطر على بالى كتير
    فعلا حلم حلمته كتير كل مابشوف اى قناة عملة حداد على حد بيكون نفسى يحصل عندنا
    بس الحمد لله غار فى داهية
  5. الصورة الرمزية Special Girl
    نورتى يا العاشقة
    واهو راح مترح ما راح
  6. الصورة الرمزية منير عطا محمود
    الحمد لله تم ما تمناه كل مواطن مصرى ولكننى كمصرى اصيل واعتز بمصريتى لا يمكن ان انكر دور السيد الرئيس محمد حسنى مبارك
  7. الصورة الرمزية منير عطا محمود
    طبعا هذا بعد شكركم على التحية
  8. الصورة الرمزية منير عطا محمود
    ممكن نبقى اصدقاء
  9. الصورة الرمزية wael_awaas
    يا ليتنا نحن رموزنا حتى تحترمنا شعوب الأرض.
  10. الصورة الرمزية wael_awaas
    يا ليتنا نحترم رموزنا حتى تحترمنا شعوب الأرض.
  11. الصورة الرمزية Special Girl
    كل واحد ليه رأيه
    وليه فكرته
    وليه نظريته


    وده اللى كان فى قلبي وكتبته

    ميرسي على مشاركتكم
  12. الصورة الرمزية هانى فضل
    اذا الشعب يوما اراد الحياة فلابد ان يستجيب القدر
    الله يرحمك يا ابو القاسم يا شيبانى
  13. الصورة الرمزية هانى فضل
    جميلة اوى وكلام معبر فعلا وكلنا كان نفسنا فيه
جميع الحقوق محفوظة لمنتديات مصراوي كافيه 2010 ©