قهوتنا على الانترنت
ابحث عن :  
مشاهدة تغذيات RSS

.•.°.•ஐ•I|[♥ البحث عن نفسي .•.°.•ஐ•I|[♥

•ஐ.•.°.• أفكار مبعثرة •ஐ.•.°.•

تقييم هذا المقال
السلام عليكم ورحمة الله وبركاته
أفكار مبعثرة

كثير من الأفكار مبعثرة فى أدمغتنا وكلها مختلفة ولكنها تصب فى خانة واحدة ألا وهي عدم الرضا بما يحدث لنا وحولنا فقلت نقوم نكلم عنها شوية ونذكر بعضاً منها عشان نترك لغيرها مكان فى الدماغ جايز تكون احسن منها ويالا بنا نبدأ بالبعترة
أنبوبة الغاز:
ياعم قلنا سيبك من أنبوبة الغاز
هو فيه أحسن من ويبور الجاز
ياعم الانبوبة باءت بتكتم الأنفاس
وبتوصلك لحالة الأفلاس
أصلها باءت بـ 40 و 70 جينه من غير احساس
وقالك ايه عايزين عربيات بالغاز
وعجبي



الجماعة المحظورة


هكذا سمتها الحكومة
لما لقيت نفسها أكلتها البورمة
قالت نحذر من اللي أخرجتنا من الصورة
وطبعاً هي الجماعة المحظورة
رغم أختلافي مع بعض أفكارهم المصونة
وطريقتهم فى سياستهم المعلونة
ولكنهم ليسوا بجماعة محظورة
ومالناش دعوة بتسمية الحكومة
الأنتخابات
طريقة قذرة منذ زمناً فات
لأنها بتديرها لجنة تزويرات
وكل الأحزاب بتلعب على خد وهات
المهم المصلحة تمشي من غير معرفة المهمات
ويبدأ الطعن من فوق لتحت بطريقة النحات
وطالما فيه كراسي مش مهم تطوير العشوائيات
ولو سألت كل حزب عن السياسات
يقولك كلوا تحت الدراسة يابهوات
طيب ياجماعة هتعملوا ايه فى الانتخابات
تلاقي الرد جاهز طول ما الريس موجود يبقى هنعيش يابشوات
يحرقكم ويحرق الانتخابات
كنا أحياء ولكن بسببكم اصبحنا أموات
العلاج على نفقة الدولة
حكاية ولا ألف ليلة وليلة
هتلاقي فيها فلوس ولكن الدولة بردوا فقيرة
طيب علاج غالي والسفريات الكتيرة
يقولك من قال كده كلها أشاعات وفيرة
طيب وعلاج الغلابة
قالو هنفضل وراهم لما ناخد ضريبة
على ايه ياجماعة هم دوول حالتهم حاجة
أمال هنعالجهم ازاي على نفقة دولتهم المحتاجة
قلت الله يحرق هذه الوقاحة
كفاية افكار
قلت كفاية كده افكار
اصل الواحد ممكن يدخل النار
طبعاً نار الدنيا وليست نار ربنا الغفار
وده بعد مايوصفونا بالكفار
عشان اتكلمنا فى سيرة رجال الطيار
هس باءا اصل يقطعوا اللسان ولسان الجار
مع تحياتي / محمد

الكلمات الدلالية (Tags): لا يوجد إضافة/ تعديل الكلمات الدلالية
التصانيف
غير مصنف

التعليقات

  1. الصورة الرمزية هشام اللول1
    بجد موضوع جميل وكل جراءة
    فعلا باءت في حاجات كتير في البلد
    تتعب الشعب وهم مش عارف مش حاسين بالشعب
    ولا عملين عبط
    بس محدش يقولي دول معذورين شيالين هم تقيل
    لو هو هم تقيل عليهم يسيبوا لغيرهم

    ولا هما ماسكين في الهم ليه
    بقالهم تلاتين سنه لو مش شايف انه في نعيم كان سيبه من زماان

    ربنا فكهم عننا ياررررررررررررررررب

    وشكرا لك يا محمد علي مواضيعك المميزة اللي بتخلي الواحد يقول اللي جواها
  2. الصورة الرمزية بك أستجير فمن يجير سواك
    اولا تسلم محمد على الطرح الرائع ده
    بجد وصف جميل وبسيط وده حالنا من غير تفكير
    طيب بعد ده ودول بس كام فكرة امال لو طرحنا الباقى هنروح لفين
    بس على فكرة احنا شعب ربنا سترها معاها اوى والحمد لله طبعا المشاكل دى مش جديده
    بس زادت عليه قلت الحياله اكتر والحصره والالم على حالنا ولحد امتى هنفضل مش عارفين مصرنا
    ولحد امتى يتحكموا فى كل حاجه حوالينا الله يسامحهم ويصبرنا على الا جاى ماهى دى البداية يااخى الفاضل
    سامحنى ان طولت عليك بس الطرح ينطق الحجر وبجد خلاص الصبر بقى فى المنحدر
    دمتى متميز وحفظك الرحمن
  3. الصورة الرمزية ايسل
    هس باءا اصل يقطعوا اللسان ولسان الجار
    لأ يامحمد مش هنسكت خليهم يعرفوا اننا عارفين
    كل حاجه ومش هبل زى ما هما فاكرين
    اتمنى اشوف تكمله لافكارك المبعثره
    وشكرا لما شاركتنا به من افكار
  4. الصورة الرمزية maahes
    اقتباس المشاركة الأصلية كتبت بواسطة هشام اللول1
    بجد موضوع جميل وكل جراءة



    وشكرا لك يا محمد علي مواضيعك المميزة اللي بتخلي الواحد يقول اللي جواها
    شكراً لك أخي هشام على ردك الطيب وهو المتميز دائماً
    وجزاك الله خيرا
    دمت بحفظ الله ورعايته
جميع الحقوق محفوظة لمنتديات مصراوي كافيه 2010 ©