مصراوي كافيه - مدونة - جديد مصراوي كافيه بواسطة علي مدكور

جــوجـل وياهو أعلنوا الحرب عليا خلاص :D

علي مدكور — Wed, 24 Mar 2010 23:48:29 GMT

السلام عليكم ورحمة الله وبركاته

Google & Yahoo VS MasrawyCafe

طبعاً الموضوع باين من عنوانه !

هشهدكم باللى حصل وانتوا اللى تقولوا دي حرب ولا دول اعداء النجاح :D

الموضوع حقيقي وفى نفس الوقت فكاهي مش اكتر :">
أبدأ بـ Google!

وصلني رسالة من حوالي سنة من شركة Google ان منتدانا مخالف لقوانين الاعلانات الخاصة بجوجل

وتم منع masrawycafe من عرض الأعلانات
المهم سألت وحاولت كتير قالولي خلاص طالما اتمنع مش هيرجع ...
وفعلاً فضل فترة كبيره الموقع ممنوع من الاعلانات لحد ما اكتشفوا ان الموقع مش مخالف فرجع تاني بدون اي مشاكل بس بعد 6 شهور تقريباً !...

ده بالنسبة لـ Google!

نيجي بـقي لـياهو Yahoo!!!

من يومين كده حاولت ادخل بأيميلي على ياهو الخاص بالمنتدى ...
لقيت الايميل مش بيفتح!
قولت يمكن حد عرف الباسورد وغيرها فحاولت اعمل استرجاع جاتلي رسالة ان الايميل مينفعش يتعمله استرجاع

فبعت رسالة للـ Customer Care
خدمة العملاء

وبكل بساطه ده كان ردهم :
Your Yahoo! account was disabled pursuant to the Yahoo! Terms of Service

يعني حسابك اتوقف علشان مخالف لقوانين ياهو !!
حصلت مع حد فيكم قبل كده؟؟؟؟

لأ ده استنصاد :D
ياهو وجوجل ... مش ناووين يجيبوها لبر!

طيب جوجل من حقه .. كنت باخد منه فلوس... ياهو يعمل كده ليه :(

....

أنا من هنا .. من مدونتي المتواضعه : بقول ان دي حرب .. ايوا حرب.. دول اعداء النجاح:D

وبالعند فيهم هفضل مع MSN الأصل!

بس يا رب متقفلش الحساب :(:(

طريقة التبليغ عن مشاركة مخالفة

علي مدكور — Sat, 26 Dec 2009 16:21:34 GMT

السلام عليكم ...

لو لقيت مشاركة مخالفه وعايز تبلغ عنها فى الاصدار ده
دي الطريقة :

ادخل على الموضوع اللى فيه المشاركة المخالفه لقوانين الكافيه
هتلاقي ايقونه تحت خالص فى المشاركة عليها الرمز ! ... زي اللى فى الصورة دي كده

دوس على الرمز واكتبلنا السبب
وبعدها هيتعمل موضوع اوتوماتيك فى ركن مناقشة المشاركات المخالفه

ان شاء الله الشرح يبقي واضح :)

مميزات النسخة الجديد 1

علي مدكور — Sat, 26 Dec 2009 03:45:30 GMT

السلام عليكم ورحمة الله وبركاته

طبعاً الاصدار ده ناس كتيره شايفه فيه مشاكل كتير
بس بنحاول ان شاء الله نوصل لحاجة كويسه ...

في مميزات النهاردة شغلنها فى الكافيه وهي :

فتح البروفيلات لـجميع اعضاء الكافيه - بمنعي ( يمـكن لأي عضو انه يشوف الملف الشخصي لأي عضو آخر )
وكمان
ميزة الالبومات
http://www.masrawycafe.com/vb/album.php
وواضحه من اسمها .. ممكن لأي عضو عمل البوم صور مفضله ليه
ميزه المجموعات الاجتماعية
ده مثال ليها
http://www.masrawycafe.com/vb/group.php?groupid=1
حاجة زي فيس بوك كده :)

ان شاء الله شوية وهشرحلكم كل ميزه من دول
وكمان المميزات التانية بالتفصيل
أخيكم / علي مدكور >:D<