شروق شريف

أيوة بغير عليك

صعب إن حد يحب حد ويلاقيه بيكلم حد تانى

صعب إن يشوفه قدام عينيه وميكلموش

صعب إنه يحس إنه موجود في مكان وميروحلوش

صعب إنه يحس إن عينيه مشتاقه وميبصلوش

صعب إنه يحس بيه والتانى ميحسوش

أيوة بغير عليك

بغير عليك من عينيك .. من لمسة إيديك .. من حب الناس ليك

مش بقدر أتكلم ولا أوصف مشاعرى ليك

أنت لو حاسسنى هتلاقينى بخاف عليك

وغيرتى دى مش ليا يد فيها

روحى رايحه ليك ولو فكرت تلاقيها

عايشه دلوقتى بيك وأهى كلمة ومستنيها

حبيبى طال بعادك وأنت قدام عينيا

حاسس بغربة شديدة والناس كلها حواليا

لو فكرت فى يوم تغيب

بيكون قلبى في لهيب

وعايش من غير حبيب

ماتبعدش وخليك قريب



بقلم ( اميرة الاحساس )