فوق الضلمة
بواسطة
في 16 - 1 - 2010 عند 01:35 PM (1508 المشاهدات)
[CENTER][QUOTE][SIZE=5][COLOR=DarkSlateGray]و الله من غير مقدمات.. دا زجل.. او شعر.. مش عارفة
بس هو دخل قلبى جدا جدا .. و حبيته قوى.. عشان كدة هشاركه معاكم.. و على فكرة أنا متأكدة ان احمد الديب
هو اللى كاتب الكلام ده فى وقت قليل جدا هيبقى كاتب و مشهور فعلا..
لإنه عنده إحساس عالى حقيقى[/COLOR]
[/SIZE] [/QUOTE]
[SIZE=5]
فوق الضلمة
لما الدنيا تضلم جدا
بأمسك قلمي
و أقعد أشخبط
بأرسم كلمة
كلمة و كلمة حروف تتربط
أيوة ساعات الكلمة تخونني
طيف الفكرة بيهرب مني
جايز أتلخبط
لكن دايما
مهما الدنيا تضلم جدا
مبغمضش و أقول أنا خايف
بأفضل شايف
حلمي و أملي
لازم قلمي يموت ألمي
أصل أنا عارف
إن الحبر نقط من دمعي
نقطة بنور القمر الكاشف
تنزل تروي الورق الناشف
لأ
أنا آسف
تنزل تروي خدودي الأول
قبل ما تنزل
تروي الورقة
[/SIZE][/CENTER]