قهوتنا على الانترنت
ابحث عن :  
مشاهدة تغذيات RSS

.•.°.•ஐ•I|[♥ البحث عن نفسي .•.°.•ஐ•I|[♥

يااقصى بطل تنادي على العرب والمسلمين

تقييم هذا المقال
يا اقصى بطل تنادى على العرب والمسلمين

يا اقصى سيبنا فى حالنا واحنا مالنا انت مين ايه يعنى انك مسري .. سيد المرسلين ايه يعنى انك كنت اولى القبلتين ايه يعنى انك انت تاني الحرمين مش فارق ويا العرب والمسلمين.. انت فين ولا انت مين

يا اقصى بطل تنادى على العرب والمسلمين شوف حد تانى ينقذك ..قبل ما ناخد العزى شوف حد تانى يرد عنك الاذى وبلاش تقول ماذا واذا ...... هدو اركانى فوق رؤس المصلين

يا اقصى بطل تنادى على العرب والمسلمين شوف حد تانى يمنعك من الانهيار وبطل تقول الحفر شغال ليل نهار والارض تحتك مش قادره تشيل الجدار ولو حصلك انهيار.... وقتها بقى نفكر فى القرار يمكن نلاقيلك حته تانيه تديهالنا اسرائيل

يا اقصى بطل تنادى على العرب والمسلمين انت فاكر انك اهم عندنا من ماتش كوره ؟ او حتى فاول اتحسب بالخطأ على باك يمين . عمرك شوفت ..ماتش كوره يوقع بين دولتين !!! الا قللى.. تفتكر مين الاحق بتمثيلنا فى المنديال .. الاخضر ولا منتخب الساجدين ؟

يا اقصى بطل تنادى على العرب والمسلمين دا العرب مهتمه اكتر بالفنانات والفنانيين وفيه مسابقه على اللى ياخد اللقب من المطربين جورج سلطان الطرب ….وعبد مطرب العرب والاختلاف على الزعامه فى الحريم تروح لمين ناس تقولك الاحق نانسى عجرم... والاغلبيه تقول شرين

يا اقصى بطل تنادى على العرب والمسلمين يا اقصى احنا بنينا اعلى برج فى البسيطه و على الحدود غير السدود من الفولاز بنينا حيطه واحتفلنا بانتصارنا فى ماتش غانا .... عملنا زيطه ومهما تنادى باعلى صوتك احنا برده مش سامعين بينى وبينك ........ عندنا ودن طرشه وودن تانيه من العجين يا اقصى بطل تنادى على العرب والمسلمين

يااقصى متزعلش منى بس هى دى الحقيقه الشباب على القهاوى بيعاكس بعيون جريئه ولو حاولت تنصحه.. والنصيحه مش خطيئه بالبونيه يروح مناولك وفجاءه تتفقعلك عين يا اقصى بطل تنادى على العرب والمسلمين

يااقصى حال العرب مبقاش يسر كل حاجه اتغيرت حتى العسل بقى طعمه مر ويااقصى كل اللى عارف انت مين.... ماعادش حر حطو فى اديه الحديد ..جوه القفص ... اصبح سجين يا اقصى بطل تنادى على العرب والمسلمين

مـــــحــــــمد
الكلمات الدلالية (Tags): لا يوجد إضافة/ تعديل الكلمات الدلالية
التصانيف
غير مصنف

التعليقات

  1. الصورة الرمزية hadede


    وتتوقف الكلمات

    كأنه العجز كأنه الممات وتستمر الخلافات

    وها هم احفاد الخنازير

    يوما بعد يوم يستمرون

    فى اغتصاب الارض وانتهاك العرض واغتيال الانفس

    وتدنيس المقدسات والعمل على هدمها

    يارب وحد قلوب العرب والمسلمين

    سلمت يداك الاخ الكريم محمد

    وسيظل الاقصى ينادى

    وسيحرره جيل افضل من جيلنا




  2. الصورة الرمزية دره
    لا اله الا انت سبحانك انى كنت من الظالمين
جميع الحقوق محفوظة لمنتديات مصراوي كافيه 2010 ©