[CENTERهـلت دموع العين منـي تناديــك
وملـت ثواني سـاعتي طول فرقـاك
,,,
طيــفك يجيني حلـم وأفز لـــبيك
كـنك حضرت وخافقي قال حـــياك
,,,
وفاح العطر في غرفتي وأنتشى فيك
وألغى وجوده يا قمر فوح ذكـراك
,,,
حتى الظلام اللي كـسى جو مغلــيك
زاح وضوى من عقبه ألفين شبــاك
,,,
وأتخيلك قدام عيــني وأناجـــيك
ملـيت مابي بالـهوى غـير دنيـاك
,,,
وأجمع شتاتك وأنتثر بين أياديـك
ودي أذوب بـداخــلك يـوم لقيــاك
,,,
وأشعلك شمعه داخلي وأحترق فيــك
وأسـهرك ليلة وأصبـــح في محيـــاك
,,,
وأكتبك جمله وأشطبك حرف وأمحـيك
والقاك شعر(ن) داخـلي عـذب وأقــراك
,,,
وعهد(ن) علي بصافي الود لسقــيك
نـبع الحـنان بـداخلي مـلك يمنـــاك ][/CENTER]
