كـــلام الشباب سنـــة 2000 و طــالع

" مده الحوار ما يكلش معايا .. كده نزعل يا معلم .. فكرك كده انت قاطع عليا؟ "
" سامحني يا باشا .. عندي الأهوة دي .. ظبط امورك انت بس يا جميل "
" انا دايس معاك يا برنس .. قشطة عليك يا مان .. بيس يا ريس "

الموضوع كله بقي في شوية كلمات الهجايص اللي فوق دول

ايه رأيكو فيها ؟ طيب هي عيب ؟ طيب حرام ؟
طيب ليه بنقولها وايه اللي ودانا ليها اساسا ؟
هيا رجالي ؟ ولا شبابي ؟ طيب ما ينفعش الناس البركه بتوع زمان يقولوها ؟
طيب ينفع البنات تقولها ؟
طيب ينفع بين بنت و ولد ؟ ولا هيا بين النوع الواحد وبس ؟ هي (سر) ؟

مستني رأيكم كلكم في كـــلام الشباب سنـــة 2000 و طــالع
:D

أنا مش فاهمة منها حاجة أساسا :D

آخر كلمة سمعتها كانت اديها جاااااز ،،، رحت أسال ماما عشان اديله شوية :|

المهم ،، الحاجة الأكيدة يعني ان مينفعش بنت تقولها ومينفعش ولد يقولها لبنت

ولو اني مرجحش الولاد كمان يقولوها :-$

توبيك جميل ،، تسلم يارب

اقتباس:

---

المشاركة الأصلية كتبت بواسطة Rosy magic

أنا مش فاهمة منها حاجة أساسا :D

آخر كلمة سمعتها كانت اديها جاااااز
المهم ،، الحاجة الأكيدة يعني ان مينفعش بنت تقولها ومينفعش ولد يقولها لبنت
ولو اني مرجحش الولاد كمان يقولوها :-$

---

جديدة بقي ( اديها جاز ) دي .. أنا أول مرة أسمعها دي
هو المفروض ولا بنات و حتي شباب يفكروا يقولوا الكلام الغريب دا
لأنه ولا بيعبر عن حاجة و لا بيدل عن أي حاجة .. مجرد كلام و يتقال
بس في نفس الوقت تقريبا معظم الشباب بيقولوا الكلام الغريب دا
ميرسي روزي علي المشاركة برأيك
" و إديها جااااااز بقي " .. الا يعني ايه دي ؟!!
:-P:))

ههههه يعني ولعها

لما يكون في خناقة مثلا بيقولوها :D

و منكم نستفيد يا روزي .. لما تبقي فيه خناقة
حأروح أسمع الكلمة دي هناك و يلا مش بعيد أنا اللي أقولها
ميرسي يا روزي
:D

اقتباس:

---

إشطة اللون يا برنس

كلام في السبلايظ جدا

كده احنا هنعلي الدي ونظبط الجي

ههههههههه
:D:D

---

والله يا احمد الكلام ده ظهر فاجأة وانتشر بطريقة رهيبه جدا وبقى وسيلة تعامل بين الشباب الطايشة ومش مفهوم الا بينهم بس

والواحد منا ميفكرش في يوم انه يستغنى عنه طبعا ولا انت ايه رأيك ;)

احمد عايزين نديها بنزين فى الواد عصام
>:D<>:D<>:D<



بجد يا احمد فى كلمات كتيرة اوى
الواحد بيقولها ومش عارف هو بيقولها ليه

هو بص لما انت بتلاقى اصحابك كلهم
بيقولها هتلاقى نفسك تلقائى كدة بتبدا تقولها

ولما تيجى تقولها بقى بتلاقى الكلمة دى
فى اللفظ حلوة اوى فابتلاقى نفسك
بتقولها فى الموقف بتاعها

وابقى اسال عصام كمان
هو عارف الكلمات كلها

بس بجد الموضوع ده زى ما انت
بتقول كدة هو انتشر جامد اوى
فى الفتره الاخيرة دى

بارك الله فيك يا احمد وبجد كل مواضيعك

شيقة وجميلة جدا تسلملنا يا باشا

:x

اقتباس:

---

المشاركة الأصلية كتبت بواسطة MoOoRa

---

اقتباس:

---

المشاركة الأصلية كتبت بواسطة MoOoRa

والله يا احمد الكلام ده ظهر فاجأة وانتشر بطريقة رهيبه جدا وبقى وسيلة تعامل بين الشباب الطايشة ومش مفهوم الا بينهم بس

والواحد منا ميفكرش في يوم انه يستغنى عنه طبعا ولا انت ايه رأيك ;)

---

عارف يا عمرو .. صبع إننـــا نستغني عنــــه أنا معاك جدا في دي
بس للأسف بعد كام سنــة اللغة العربية .. حتتسمح بشوية الكلام الغريب دا
و بيني و بينك أعتقد إنه بقي وسيلة للتعامل مع كل الشباب أو معظمهم

عارف شوفت لقاء عمرو أديب مع عمر الشريف
و عمر الشريف قال ( إن اللغة العربية هي الوحيد اللي بتطور و بتختلف )
( فمثلا زمان كان الناس بيقولوا إزيك ؟! دلوقتي الناس بيقولوا عامل ايه ؟! )
شوية بقي الناس حيطلعوا كلمة جديدة غير دول خالص و تروح اللغة العربية
مشكـــــــــــــلة صح
شكرا يا جميل علي مرورك و ردك اللذيذ دا
:)

اقتباس:

---

المشاركة الأصلية كتبت بواسطة Treka

احمد عايزين نديها بنزين فى الواد عصام
>:D<>:D<>:D<



بجد يا احمد فى كلمات كتيرة اوى
الواحد بيقولها ومش عارف هو بيقولها ليه

هو بص لما انت بتلاقى اصحابك كلهم
بيقولها هتلاقى نفسك تلقائى كدة بتبدا تقولها

ولما تيجى تقولها بقى بتلاقى الكلمة دى
فى اللفظ حلوة اوى فابتلاقى نفسك
بتقولها فى الموقف بتاعها

وابقى اسال عصام كمان
هو عارف الكلمات كلها

بس بجد الموضوع ده زى ما انت
بتقول كدة هو انتشر جامد اوى
فى الفتره الاخيرة دى

بارك الله فيك يا احمد وبجد كل مواضيعك

شيقة وجميلة جدا تسلملنا يا باشا

:x

---

من أول الكلام كدا بنزين علطول .. لا يا عم دا بقي غالي أوي دلوقتي
تسلملي يا حبيبي .. انت عارف احنا ممكن نتكلم اللغة الغريبة دي
بس برضه ندي فرصة للكلام بلغتنــا الأصلية و العريقة .. لغة الضاد
أنا مش حأقولك يعني ( يا رجل .. و لابد أن نذهب و كدا )
بس علي الأقل نقري القرآن و نفهم معاني كلمـــاته .. لأنها الطريقة الصحيحة
للحفاظ علي لغتنـــا
أعتقد إن دا هوا الحل الوحيد الموجود قدمنــــا
ميرسي حبيبي علي مرورك و ردك الجميل
:)