يا خلق هوووووه السماح بايد ربنا

يا خلق هوووووه
السماح بايد ربنا
واللى قتل ينقتل
ياما اتكبر علينا
ولشنباته فتل
نسمحه بس ف حقنا
طاب مصرنا
واللى ضاعوا مننا
واللى باعوا ارضنا
واللى استباحوا طهرنا
واللى اغتصبوا امنا
واللى فرطوا ف امننا
مش كانوا تحت عينه زينا
ولا الكلاب متلونه
نسامح مين
الناس ايه متجننه
نسامحه كان ممكن
لو سفنا
او اكل علينا حقنا
وكنا نفوض الامر فيه لربنا
لكن حق اللى ماتوا
اللى يسامح فيه
مش مننا
ولازرعنا
ولا نبتنا
اللى عايز حصاد الخير
لازم يكون فى يوم شتل
اللى قتل ينقتل
ياما اتكبر علينا
ولشنباته فتل
احنا مصعبناش عليه
مين يقول يصعب علينا
خريجين وزى الورد
فوق الكتب ياما انكفينا
ويوم التخرج استهزا بينا
وف شكاوى وتقديمات يامه انهرينا
ولا حس بينا
ولا حسه مره بغلبنا
ولا حملنا فوق كتاف اهالينا
لا مش نسامحك
نعدمك
ياللى عدمت الحب فينا
ياللى خلقت من ولادنا
بلطجيه بياكلوا فينا
منك لله ياريس
انته ومراتك اللئينه
انته وعصابتك اللعينه
ملعونين فى كل مله
ملعونين فى كل مينا
مهما كانت الظروف
راح تفضلى دايما عزيزه
يا بلادى كلنا ربان سفينه
نسامحه دا مستحيل
مكان بعقله مكنش انسطل
كان بعقله مصبوش الهطل
يا خلق هوووووه
السماح بايد ربنا
واللى قتل ينقتل
ياما اتكبر علينا
ولشنباته فتل

_________________
عطيه خضرى عطيه
قلين / كفر الشيخ

نسامحوا ليه
الاول يسامحوا ربنا
فى دم شهداء
ولا نسينا دمنا

ما اجمل كلماتك
وجودك فى اوقات نحتاج اللى الجود
فاض نهرك بخير الكلام
وانحسر قهرك من زل وهوان
لاهوان بعد يومك
ومش هنسيب حقنا

طبت وطابت كلماتك
ولك منى كل الامنيات
وبالتوفيق

من
عالم المراوغه
الى نداء يدعونا
للصحوه
فكان قلمك معبرا
فبتنا نتبعه
خطوة بخطوه
ندم
طلب السماح
ليتهم يحاكموهم
حتى يهدأ الشعب
ويرتاح
أ. عطيه.. }
قلمك
اثير وغالي
فلكل واحد منا
نجم عالي
وصوتك اليوم عذب
يصدح في
العلالي

ابدعت غالينا
مودتى وسماء تمطر اقحوان