مقتطفات.......... من زمن فات
السلام عليكم
بكل اسف اكتشتفت ان هناك جزء كبير من اعضاء الكافيه لا يعرفون اوائل من اشترك في الكافيه
لا اقصد شخصاً بعينه
-ولكن هناك اشخاصاً احببناهم بدون ان نلتقيهم
-اشخاصاً تعبوا لكي يصل منتدانا الي ماهو عليه الان
صحيح ان المنتدي ليس مشهوراً كـــ(فيس بوك)
ولكن شتان بين شهر نوفمبر 2007 والان
-اشخاصاً لم يألوا جهداً لكي يصبح الكافيه علي ماهو عليه الان
هذا المنتدي الذي علي الرغم من أنني مقصر في حقه الا أنني لا ادري لماذا افتح صفحته الرئيسية حتي ولو لم اكتب فيه كلمة الا ولابد ان افتحه
هذا المنتدي الذي بالصدفة دخلت علي بروفايل احد اعضائه عليـــ(فيس بوك)ووجدت اانه يضم بين قائمة الاصدقاء اعضاء اّخرين من اعضاء الكافيه وكلهم ما بين أخ او أخت
فقلت : لهذه الدرجة اصبح للكافيه عشاق؟
بيني وبين نفسي وجدت انه يجب علي العبد لله ان يذكر الاعضاء الجدد بمن هم ساهموا في تحويل هذا المنتدي الصغير الي موقع الي حداً ما كبير
وجدت ان يري الاعضاء الجدد كيف كان حال اسلافهم في الكافيه
أما الاوائل فيجب ان يتم تكريمهم من قبلي انا ع الاقل
ولذا اقترحت علي الادمن مصراوي كافيه ان يتم عمل هذا الموضوع
وامتلئ قلبي بالحيرة بمن ابدأ
أبدأ العضو:- AhMeD El-Za3eEm
ام بالعضو :- عبقرينو
أم بالعضوة :- ورقة
أم بالعضو :عصام نت
العضو :- Mr Karsa
العضوة :-BBa7bak ya Boy
العضوة :- ayoooooya
العضو:- تيمور
العضو :- مسلمـ
العضو :- محمد العوامي
العضو :- احمد عمر
العضو :The Lost
والاب الروحي لنا جميعاً: الاستاذ احمد الصباغ
وغيرهم ممن اتذكر ايامهم التي امتلئ به المنتدي مواضيعاً مثيرة وشيقة
لذا قررت ان اعمل موضوع جديد لعرض مواضيعهم التي أثروا بها المنتدي
وعلي الرغم من ان ملكة الكافيه "طيف عابر"-رحمها الله واسكنها فسيح جناته- تعتبر فعلاً من اهم اعضاء الكافيه علي مر العصور ان لم تكن اهمهم فعلاً الا انني وجدت ان سرد مواضيعها لم يكون مفيداً حيث ان لها قسم خاصاً بمواضيعها
علشان كدة قررت اني اجيب لكل واحد من دول كذا موضوع لذا سبب
1-علشان محدش ينساهم واللي ميعرفوهموش يعرفوهم
2-مواضيعهم فعلاً بتبقي قيمة ويمكن ياخدوا من عليها حسنات
3- يمكن اعتبر ده تكريمي ليهم
نبدأ بــــــــــــــــــــــــ
"AhMeD El-Za3eEm"
العضو رقم 10في المنتدي
السن:24 سنة حالياً علي ما أتذكر
تاريخ التسجيل في الكافيه:8/11/2007اول يوم من عمر الكافيه
اشهر اعماله في الكافيه: حلقاات ادمن ما تم&مذكرات عجوة&برنامج مصراوي اليوم
من مواضيعه اللي ها نشوفها النهاردة:- عندك رسالة في الحياة؟!!!
اقتباس:
عــندك رســالة في الحيــاة
عمرك فكرت أو سألت عن أسباب وجودك في الحياة؟ و إيه الهدف من وجودك فيها؟!!!...
و لا أنت عايش كده
أكيد طبعا مش عشان تبقي مجرد لإنك تبقي إبن والديك، أو أخ لإخواتك و لا حتي صديق لأصدقائك، و لا لمجرد الشعـور بالحقــد أو الكره أو حتي الغـضب. و برضه مش سبب وجودك إنك تتكلم عن فلان، و تجيب سيرة علان، و تكدب علي واحد، و تنافق التاني، و مش بعيد تخون التالت، و تهيس مع الرابع ....
وجودك في الحيـاة مش الهدف منه، إنك تخش مع واحد في حوار و صراع طويل في حاجات تافهة،و ما تخرجش منه بأي حاجة غير إنك تضيع وقتك و طاقة جواك، ممكن بيها إنك تتحدي العالم و إن شاء الله كمان ممكن تتحدي نفسك بيها، و لإنك تنجح و تبقي حـاجة ....
:: السؤال هنــا ::
إيه هي رسالتك في الحيـاة؟
عشان تجاوب علي السؤال ده ، يبقي لازم تحدد أهدافك.
إيه هي أهدافك؟
إنك تنجح في المدرسة و الكليــة، و بعدين تلاقي شغلانة تحقق بيها أحلامك
كل ده تمام، بس حتبقي هي دي بس رسالتك في الحياة؟!!
حاول إنك تجاوب علي السؤال ده، و عشان تكون إجابتك صحيحة و منطقية و يقبلها عقلك و قلبك،حاول دايما إنك توسع مدي أحلامك و طموحاتك عشان تلمس النجوم و لو في خيالك، و اقنع نفسك إنك حققت جزء من اللي بتحلم بيه، و ابعد دايما أي لحظة تشاؤم ممكن تدمر البناء الرائع بتاعك ده،أو أي تأثير خارجي من أي شخص من إخواننا أصحاب مقولة "ما ينفعش، ما قدرش"
و من أقصي نقطة خيال توصل ليها، انطلق لواقع يبقي مليان بالشغل الجامد و المخلص و الصح، و استخدم كل طاقتك عشان توصل لهدفك في إنك تحقق نجاحك،و تسعد نفسك و بعدين تسعد الناس التانية، و إنك تحاول تتقبل الناس اللي حواليك أكتر زي ما هما، مش زي ما انت عايز، هوا دا اللي حيحقق النجاح الحقيقي ليك، و ممكن وقتها تقول ( أنا عندي رسالة في الحياة ).
تقدر تقول أنا عندي علم عايز أوصله للناس عشان يستفيدوا بيه، تقدر تقول انا عندي موهبـة أقدر بيها أخرج إنسان من حزنه و يأسه، تقدر تقول أنا عندي وقت فراغ ممكن أساعد فيه أي حد، تقدر تقول أنا عندي ماديات أفضل من غيري أقدر أساعد بيها محتاج.
وقتها تقدر تقول و بكل فخــر
.
.
.
أنا عندي رســالة في الحيـــاة
للحديث بقية ان كان في العمر بقية
