http://www.mynetimages.com/7dd5bcf8_md.jpg
هللى يا حياتى وافرحى
ابتسامه حلوه تانى زغرتى
انسى يالا كل حاجه فى ذكرياتى
افرشيلى ارضك الخضرا زهور
اضحكيلى ومدى ايدك
نورليلى سكتى باحلى شموع
السعاده كل حاجه فى الحياه
والمحبه كل اركان الوجود
زغرتيلى الحب جا دق البيبان
قلبى كان ساكت حزين
فيه مكان كان زمان
ضلمه ومخيف
اصبح اليوم قصر من الجنه وسعيد
كل ابوابه بتفتح تستقبل الحب الوليد
حبه الوحيد ساكنه الجميل
....................................
بين ضلوعى يدق دقاته بشده
فى فؤادى احلى كلمه واحلى بسمه
هو جوايا فى ذاتى فى خيالى
على لسانى
كلمه حلوه نفسوا هو يملهالى
نفسى اضحك نفسى اهرب م الخيال
نفسى اكتب شعرى مره من وحى الجمال
من وحى الحبيب من تجارب صادقه مره
من غناء العندليب
وحى الهامى حبيبى
.............................
كلماتى خارجه صادقه ومش خيال
انا فعلاً عايش القصه بجد
هوا دا الحب يا قلبى
خلى جدرانك سميكه
خلى ابوابك امينه
بتقفل اليوم ع الحبيب
بتبعدو وتحجبوا عن كل عين
حقى يالا ياحياه
زغرتيلى
واوعدينى وعد عمروا ما ينحرف
عمرك انتى ما تفرقينى عن حبيبى
سهرينى وعذبينى
واوعى مره تغدرينى
طلعينى للسما بين الطيور
عرفى كل البشر
حب جانى ودا زمانى
حبى احلى فرحه فى ديوانى
حبى سمسم احلى اسم
حبى اسماء الوجود
حبى انسانه رقيقه
زى ورده منوره ف عز الخريف
واقفه ثابته بكبرياء
اصلها ف عطرها ملأ السماء
صوره حلوه بين الأف البراويز
هى احساسى بذاتى
هى كل ذكرياتى
هى اول حب اصلاً فى حياتى
حبها دايماً بيسرى فى وريدى
حبها ملا قلبى بالحنان
بعد ما عاش سنين من غير مكان
بعد ما تحجر وضاع
زى صخره فى كيان
عاد ولاّن
رجع يدق ويلحن احلى كلام
احلى نشيد
غنوه حلوه اسمها الحب الوليد
حتى قلمى صار سعيد
كان بيكتب حبره ينزف
كان حزين
النهارده بيكتب ودمه هديه
كل امانيه انو يرسملى البسمه ديا
قلمى شاهد على حبى
قلمى شطب وقلى عيش
عيش لحبك رسالتى خلصت
عيش بقليك والوداع
شفتى يا دنيا الوفاء
هو ضحى من اجل الحياه
الحياه لحبى
وقلى حبك ده الوحيده
