فى الايا م الماضيه
والناس هاديه
قام اتكلم ابن سعيد
الواد خالد ابو طقم جديد
فضل يقول ويعيد
يا خلق هوووه قربوا لنا الحلم اصله بعيد
قبضوا عليه
حبسوه فى مكان بعيد
الله اعلم فين بالتحديد
وربطوه وهاتك ضرب
بالبكاس ويا الشلاليط
قول انفع لك
مين بيدفع لك
اضرب اضرب وانزل دك
وخالد صامد
بعزمه الجامد
عايز حقى ولازم اخده
تعب الشياطين م الضرب
الواد وطنى مصرى حقيقى
رد كبيرهم اتخلصوا منه
ريحوا شياطينكم منه
جردوه
كتفوه
اضربوه
اقتلوه
مثلوا بجسمه وارموه
هاتوا عيلته
احبسوا امه واخواته وابوه
ومات الواد
فى وضع اليم
والواد وائل فتح الصفحه
وبدا تانى ف الترديد
كلنا خالد سعيد
وفضح جريمتهم صوت مع صوره
فار الدم جوه الرووووس وقامت الفوره
يعمل ايه الناس معذوره
والوضع السايد كان فزوره
والناس المغروره
واللى بيملك بدل المليار طوره
حتى الطور الاكبر ويا الطوره
هنعمل ايه نتصرف كيف
قول يا جمال ياابو دم خفيف
اسال عز بتاع الكيف
واسال صفوت الشريف
رد العادلى سحابه صيف
دول مش ناس
دا مجرد طيف
وازداد الوضع
ودا مش تاليف
اللى بتظاهر مصرى نضيف
هاتوا نظيف
الوضع مخيف
اتصرف كيف قولو يا حلاليف
بص ياريس قول هنغير
طلعه منحه وكام الف رغيف
العب ياللا انت الحريف
العب ايه بطلوا تخاريف
عايزين تصاريف
مش هنورث
هنعينكم بحبه مصاريف
والكل بيهتف
انزل يا خفيف
يالا يا غطريف
وبيان ورا بيان
ومفيش فايده
ولا حتى تخاطيف
ودا مش تاليف
دا اللى بيتظاهر مصرى نضيف
تلاتين سنه والهم متيس
وبيحكوا لنا الوضع كويس
ماشى ياريس
كله كويس
والحاج بتاعنا سكت ومتيس
والشعب مفيس
وراح الريس
قلنا كويس
قالوا هنعدل وقالوا هنبدل
قال الشعب
ولا هنعدل ولا نستبدل
ولا من تانى راح نتبهدل
