امتى يا عالم تنظبط
وكل سايب يتربط
وش البلد مليان يفط
للى نهب واللى شفط
واللى ف دماغه انخبط
واللى سايق ف العبط
حتى اللبط علق يفط
امتى يزول اللى هبط
واللى ف الثوره شبط
عايزينه عضو
من ارضنا يكون نبت
عايزين عضو
فى وش الاعاصير ثبت
عايزين عضو يخدمنا
منقلش عليه ف يوم هبط
عايزين عضو يتكلم
معمروش ف يوم انكبت
عضو خبر ه يكون فاهم
عشان امورنا تنظبط
دا لو سلطه
تحلو بالشبت
مش بالنوايا السيئه اللى خبت
عايزين ناس تعمر
ميقولوش سرقت ولا خربت
عايزين عضو نفسه
بحب البلد اتشربت
عايزين احلامنا
على ايده تكون قربت
