امبارح الصبحيه
بنت عم ليه
كانت حامل واتصلوا عليه
رحت معاهم الاستقبال
وشفت عباطه واستهبال
ولا فيه دكاتره
ولا تمرجيه
وضع محال
قلت اشوف نمره دكتور
واعمل بيه اتصال
رحنا عيادته وجه ف الحال
لان ولاده مستعصيه
عايزين عمليه
كتب اقرار وقعنا عليه
يجرى العمليه
الكل بيدعى يارب انتعها
يتحقق لها الحلم بتاعها
وييجى الواد
حضوره يمتعها
صوت الطلق ويا صراخها
جوزها يقول خبر ايه يا عالم
دا بيقطعها
والكل بيدعى ربنا ينتعها
وساعات مرت
مليانه قلق ومراره
وجات البشاره
الكل وقف منتبه
الواد جه
طلع الدكتور ايد على ايد بيصقف
نفسه عمال يتلقف
يتمم ويقول حاجه غريبه
حاجه عجيبه
ايه يا دكتور
فيه اى نصيبه
دخلنا بسرعه
عشان نطمن
والكل يخمن
لما دخلنا رجعت روحنا
امه بخير
والطفل بخير
بس ف ايده
مكتوب الشعب يريد اسقاط النظام
عطيه الخضرى عطيه - قلين –كفر الشيخ/
