مستحيل اقدر اغير
فى قصيده كتبتهالك
عشت لحظه
حزن مره وفرح مره
ولا دمعه
دمعه باكيه من فراقك
وفرح جانى يوم لقائك
ده زمن ومش بايدى اغيروا
ولا فاكره التاريخ
حد يقدر يصلحوا
ومستحيل اقدر اسامح
يوم فى حقى
ولا حبى انتى بس
اللى مقدراه
يوم اسامح يوم افكر
يوم مالينى ألم مكبر
ولا بسمه من شفايفك
توعد تخالف من عمايلك
غنوه جايه وقلبى طايح
فارش روايح
وتحكى تانى
إنى ف بحورك غريق
انى تايه فى طريق
رسمتهولى
وانى بعدك كلى نار
شايف ضلام فى كل دار
لالالالالالا ياقلبى
قلبى هان يوم ماهونتى
وبرضو خان يوم ما خونتى
قلبى عاد بألف ميعاد
مشغول بغيرك
كل ده وكترلى خيرك
وبرضو خيرى هتنكريه
ويوم ودادك هتغيريه
اسمحيلى عهدى ولى
يوم ما عهدك رمتيه
ف سله
وباختصار
حبك انتى كان دمار
كنت عيل
يوم هويتك
كنت باجى لحد بيتك
كنت عايش كالكفيف
شايفك انتى بس وحدك
والصراحه كنتى وحدك
ولما جانى يوم كوانى
تهت طرت لما فوقت
لقيتك انتى
ابتسامه حلوه اه
انتفاضه ع المحبه والولاء
ابتسامه زايفه زايله
لما فوقت
شفتك انتى واحده تانيه
تتبسميلى وتضحكيلى
وتغمزى دايماً لغيرى
سامحينى
مش هغير ف القصايد
مهما قولتى
واعذرينى
قلمى كتب كل المرار والعذاب
ف ى سنينى
ولما جانى الفرح يوم
راجعه تانى تألمينى وتوعدينى
لا يا شاطره
جرحى طاب
ما قلتلك ايام وعدت
لما وعدك ليا هان
من النهارده مفيش عذاب
ولا ملام
يلا حبك
جوا قلبى قال سلام
قلبى شاب من عمايلك
فمتفتحيش جرح برسايلك
وتقولى اكتبلى تانى
ولا غير كل كلمه فى الاولانى
