الثوره هتعلمك تخلع امك وابوك

الثوره هتعلمك
الثوره هتعلمك تخلع امك وابوك
وتنسى من ربوك
من ادبوك
من ربوك
عايز تودى الحب للجحيم
وتأذى من حبوك
متزعلش لما يرشدوك
متزعلش لما عن اى شر يبعدوك
مترحش متخرجش
دى مش قصدهم يحبسوك
ياقاسى القلب
قصدهم يفهموك
اكبر من بيوم
يعرف عنك بسنه
ما بالك لما يكون الكبير امك وابوك
متزعلش منهم لما بيعاتبوك
تخلع الريس دا حقك
وتخلع كل من ظلموك
بس مش تخلع امك
ولا تخلع ابوك
اوعاك تنسى فضلهم
اللى اوصاك بيه ملك الملوك
اوعاك تنسى انهم كانوا السبب
من العدم وجدوك
اوعاك تنسى لما كنت بتتعب
عمرهم مسبوك
كانت امك مبتنمشى
وكمان كانت بتسود ايام ابوك
ويجروا ويعالجوك
ربنا اوصاك متقلهمش اف
متنهرهمش
وصاحبهم زى ميصاحبوك
اوعاك تعوقهم لو حتى يوم عاقوك
حاله واحده
ملهمش فيها طاعه
لو لغير الله وجهوك
لو غير الله
حاولوا يرغموك
وصاحبهم فى الدنيا بالمعروف
بدعاهم يرفوك
وحبهم قدر استطاعتك
وحب كل الناس
لجل ميحبوك
من غير الحب
ملعونه الحياه
ودمها مسفوك