الف رحمه ونور عليك يا سعد الدين

الف رحمه ونور عليك يا سعد الدين
يرحمك رب البشر والعالمين
يا ابو الشهامه والرجوله
واللى يخوض فى حقك بسوء
ملعون فى كل شرع وكل دين
يا تعلب العرب يا ابو التفانين
يا للى رعبت كل الملعونين
ياللى ف يوم الثغره
كنت صلاح الدين
بطل حطين
يا ابن بسيون الامين
الف رحمه ونور عليك يا سعد الدين
الف رحمه ونور عليك يا شهم
يا ابن الاكرمين
يا وسام على صدر العرب والمصريين
يا للى رفعت راسنا
فى كل وقت وكل حين
ياللى صنت الامانه من سنين
يوم انسحبت فى ثغرتك
كان انسحاب المنصورين
من ذكائك ومن شجاعتك
كانوا بيك مبهورين
كنت المثال للشرف
فى كل الميادين
وبدل ما نيجى نكرمك
نقطع معاشك الاضافى
والله منك مكسوفين
والله منك محروجين
والله عشانك مجروحين
لكن مفيش فى ايدنا شىء
لانننا مش حكام ولكن محكومين
لكننا من نبتدى منين الحكايه
بناشد كل المسئولين
رجعوا معاش البطل
لو لسه فى قلوبكم دين
رجعوا معاش البطل يا ظالمين
وندا لكم يا كل مستمعين
الفاتحه لروحه
الف رحمه ونور
قولوا امين
الف رحمه ونور عليك يا سعد الدين
الف رحمه ونور عليك يا شهم
يا ابن الاكرمين