عرض للطباعة
عيرة
الشعر عيرة والكحل عيرة
والورد فوق الخد
ولحد الضفيرة عيرة
الصبر عيرة والضحك عيرة
والفرح والأحزان كمان وحاجات كتيرة
حتى الحنان جوه البيوت
حتى الكلام...حتي السكوت
حتى الهتاف جوه المسيرة برضه عيرة
حيرني حيرة
بقينا ليه حبة حاجات
قمصان بدل على بالونات
ما بقيتش شايف إيه اللي جاي وإيه اللي فات
ما بقيتش افرق
ده أزرق ده ولا أحمر رمادي
ودي كارثة ولا ده وضع عادي
وده طفل ولا راجل عجوز
وده إيه ده راخر
جايز يجوز
نعسان ده ولا ساكت وساير
بردان ده ولا ده دور وداير
وده إحنا ولا الكل حاير
من اشعار علي سلامه
=D>=D>=D>
اختيار رائع جدااااااااااا
تسلمى يا رب يا دودو واهلا وسهلا فيكِ معنا
شرفتينا يا قمر
ميرسىىىىىىىىىى
جميله اوى
اقتباس:
المشاركة الأصلية كتبت بواسطة طيف عابر
اقتباس:
المشاركة الأصلية كتبت بواسطة سيدرا
ربنا يخليكي ياسيدرا نورتيني
اهلا وسهلا بيكي دودو شرفتي المنتدي ونورتية وان شاء الله تكوني مبسوطة من المنتدي
وياستي احب اشكرك جدااا جدااا لاني كنت بدور علي اي اشعار لهذا الشاعر الجميل جداا(علي سلامة)
وهو كاتب في جريدة الدستوروكاتب حاجات جامدة جدا
مثلأ
كتاب القرأة_مش دي بطاقتي_احب العسل_ميدان الجيزة