http://img369.imageshack.us/img369/9...forjim1jc7.jpg
بلقيس على تاجك
رسم الزمان ألحان
وأتشل حسادك
من طيفك الفتان
ولا حد على بابك
يقدر يدوق النوم
ما كل أبوابك
مليانه حب ولوم
حب لجمال خطوتك
ولوم لتكبيرك
بلقيس أميره جميله
ملانى بيها هيام
لو جفنى غمض ونام
بشوفها ف أحلامى
ممشوقه قدامى
تمشى كما الغزلان
وتهدى ف المشيه
تسرح بشط البحور
وع الموجه اهى رأسيه
رفرف جناحها وغمزلى
وقلى عدى وعوم
محتاجه منك وصال
يأبو قلب طيب قوم
لاقدرت اعدى وأقرب
ولا أعيش ساكت
دا بحرك موجته شديده
وشطك منى بعيد
وخايف يوم أغرق
والاغرب انى غريق
يأم العيون ألوان
يأم الفؤاد اخضر
جننى سحر الكلام
انا اكيد بغرق
جوا البحور العنيده
قبل الوصول للشط
لو كان دا بينا صور
والله ليكى هنط
وبرضو راح اجيلك
لو كنتى فين وبعيد
اصلى بغنيلك
كل يوم وبشيد
يأم الايدين الدهب
دوبنى حنان رمشك
ما عادلى قلب دا ذهب
لابعد حدود عندك
مال النسيم يحكى
عن حبى واشواقى
ولو يوم جانى عليل
يبقى قليبى ذهب
ويا النسيم بيطير
ولو يوم ضحكتيلى
تلاقى احلامى
وخدانى هناك وبعيد
ف جنه فيها السعاده
وياكى عش سعيد
بحلم بدنياكى
وانا عارف انى بحلم
نفسى ما فوق منه
واتهنى بسماكى
يالى النجوم بتغير
من بسمه فى سماكى
دانتى قمر بلليل
والشمس والضله
بهواكى يا بلقيس
يأم الخدود طارحه
اجمل زهور المحبه
جوا الفؤاد زارعه
أجمل معانى الألم
من بعد والاشواق
نفسى اقربلك
واشكيلك الذله
حبك كوانى يا غاليه
وزود التجاريح
عدى نسيمك هوا
يضمد جروحى يزيح
أجمل بنات جنسك
والكل ليكى وصايف
كل البنات غاروا
من عطرك الفايح
تهمسلى بعنيها
ألقى الصخور بتلين
تمشى ف بستانى
يغنى زهر جميل
ترقص على اللحانى
عرشى بيتزلزل
واصحى من حلمى
مخبول ومتشتت
واتمنى يعود تانى
وعارف انه محال
وعارف انك جميله
وبنت ملك الجان
هنسى انى بحلم
وهقول دى حقيقه
يا بنت ملك الجان
من حسنك الفتان
غنالك الانسان
وأتمنى لقياكى
بلقيس يا ملكه
خايف تصبى خمورك
وأنسى ف يوم واشرب
لا عمرى منك هفوق
ولا حلمى يتحقق
بلقيس يا ملكه
خايف يا جنيه
لتكونى انسيه
وانا لحبك ضيف
مقدرش قلبه يوم
يفهم بانك طيف
مع تحياتى
محسن البدراوى
