كلمات ألبوم بهاء سلطان

كلمات ألبوم بهاء سلطان - ومالنا 2011

تعالى

ولا قبلك حد تانى ولا بعدك حب تانى
اه يا اقرب منى ليا والله ونور عينيا
من العين دى قبل العين دى ياللى انا بهواك
يا حبيبى يا اغلى ما عندى قوللى ازاى انساك
تعالى جوه قلبى تعالى جوه حضنى
قوللى مين هيخدنى منك ولا مين يبعدنى عنك
قوللى ازاى انساك
يا تخدنى معاك ياترجع قلبى بينده ما تسمع
البعد معاك بيوجع قلبى حبك ليه
قوللى هعمل ايه فى اللى خد عمرى
واللى عذبنى يا حبيبى هعمل ايه

انا مصمم

انا زعلتك فى حاجة طب ايه يا حبيبى هي
بتدارى عينيك ليه لما بتيجى فى عينيا
وحكايتك بس ايه فيك حاجة مش عادية
قوللى يا حبيبى حاجة متصعبهاش عليا
انا مصمم مش ماشى قبل ما تتكلم
مقدرش اسيبك تتالم ساكت يا حبيبى ليه
انا ضايقتك طب قلت حاجة ماتتقلش
مش ماشى ولا سيبك تمشى قبل اما افهم في ايه
قولى حبيبى بصراحة ومشاعرك ليا اسيبها
الدمعة اللى فى عيونك عرفنى ايه سببها
عينك فى عنيا لكن حاسس بمسافة بينا
فى حاجات غالية علينا بتضيع يا حبيبى منا
عايز تعاتبنى عاتب طب ليه عمال تفكر
ماهو ده الوقت المناسب قبل الاحزان ماتكبر
يا حبيبى سايبنى ليه عايش فى الحيرة ديا
وان كانت غلطة منى يبقى حقك عليا

الوردة

ياللى انا دايما بحتاجلك فى وردة هنا بتشبهلك
بسهر احكى ليها ليالى عن شوقى وعن حكاياتى
اتاريها الوردة مش انتى تشبه قلبك يا حبيبتى
حتى فى شوكها حبيبتى
وانا هعمل ايه وانا قلبى ده ايه مستحمل ليه كتر العذاب
لا انا قد هواكى ولا قادر انساكى
ومدوبنى يا عمرى بعادك
عينى يا ليلى يا ليلى حبيبى والله طويل ياليلى يا ليلى
انا ليلى يطول والناس بتقول عن حكايتهم الف حكاية
لا ما تسيبنيش وما تبعدنيش محتاجلك فى الدنيا معايا
اه يا احلى غرام تعاليلى قوام محتاج لوجودك ويايا

قلبى انانى

على قد ما كان قلبى ضعيف ولا كان يسهر الا خفيف
من يوم ما عيونك ندهوه وانا بتلم عليه تخاطيف
بقا دلوقتى خلاص وياك مبقاش يحلم الا معاك
وان فكرت تغيب عن عينى ما يفكرش فى يوم ينساك
قلبى انانى انا قلبى انانى وفى حبك انا واحد تانى
نفسى محدش غيرى يشوفك وانت بس لوحدك تشوفنى
قلبى انانى ومجنون بيك ومخلص اشواقى عليك
امتى تحن عليا عينيك وانسى جنبك منك كل حياتى
انانى ومنى عينى اعيش فى غرامك وما تبعدنيش
وياعينى على قلبى يا عينى والله ما بينيمنيش
امانة يا حبيبى عليك ما تطولش فى لهفتى ليك
وانا قايم نايم يا حبيبى مش بحلم فعلا غير بيك

خلتنى اخاف

خلتنى اخاف من الناس وبقيت فى الدنيا وحيد
حتى وانا فى وسط الناس حاسس انى لوحدى بعيد
عارف لما تحس بغربة جوه مكانك
تبقى لوحدك تدى وتاخد مع احزانك
شوف انت بتعمل ايه فيا وشوف انا بعمل ايه علشانك
معرفش ليه قلبك خدعنى معرفش ليه قدر وباعنى
واللى خفت العمر منه صحيت عليه
قلب خاين من البداية من البداية للنهاية
ياللى خنت قلبى قوللى كسبت ايه

بوسة

بوسة على الخد ده اللى ما طلته وكلامى اللى ما قلته
الحب حاضنه فى قلبى معرفش ليه انا مخبى
امتا هقوى قلبى انا امتى واقول بحبك امتى
معرفش ليه بغنيلك هموت حبيبى اديلك بوسة
ياللى ببقى فى سيرتك تملى واما بتيجى بتحلى
حتى الود بتخلى مكسوف من لون عينيك
ارحم يا حبيبى قلبى وبلاش تهدى جنبى
احسن قسما بربى معرفش هيحصل ايه

انا

انا طول الليل مهموم من اللى جوايا
انا طول الوقت بحاسب نفسى على اللى جوايا
انا مين من برا يعرفنى وحاسس باللى جوايا
مين من جوه لو شافنى هيعرف ايه اللى جوايا
انا لو لومت الوم نفسى علشان بحكى اللى جوايا
انا عايز ايه مبقتش والله حتى عارف عايز ايه
انا عايز ايه انا عايز ايه
يارب دبرنى يارب صبرنى على اللى بحس بيه

100 100

طب ايه طب ايوة طب حاضر طب طيب مش عارف ارضيك بايه
طب ايه طب ايوة طب طيب طب حاضر طب لا ما تقولى اعملك ايه
عمال تتدلع ادلع ادلع وانا قلبى يولع يولع يولع
وانت ولا بتسال ولا حاسس ومكبر ليه
لو ناوى تلعب بيا تبقا يا عينى ضحية
اسمع ياعمى كلامى خليها عليك وعليا
عمال بتتامر وانا اقول ده هيقدر وطلعت معايا اى كلام وانا اهو مية مية
والناس دى مية وصحابى مية مية وجيرانى مية مية وانا اهو مية مية
وحبايبى مية مية والدنيا مية مية وانا مية مية مية
الا انت واحد فى المية

زى ما احنا

زى ما احنا يا حبيبى زى ما احنا
مهما قالو ولا عادوا زى ما احنا
اللى بيننا مش سلام بالايد وقاعدة بعيد
مش كلام بالليل ولا مقابلات ولا مواعيد
ده انت دايما جوه حضنى مهما كنت بعيد
مهما قالوا حبى ليك بيزيد
واما تبعد لحظة عنى نار فى قلبى تقيد
واما ترجع تانى ليا يبقى اجمل عيد
سيبلى نفسك سيب ايديك هو فى الدنيا اغلى من عينيك
سيبلى نفسك هات ايديك قولى مين فى الدنيا خاف عليك
ملناش غير بعضنا يا حبيبى انت وانا
ملناش غير حبنا وقتنا ملكنا

تبقى انت اللى ليا

تبقى انت اللى ليا وتقول كلام عليا
يا خسارة كل حاجة بندم على وقتنا
وانا ليه يصعب عليا طول عمره بيخلى بيا
وعدنى بالف حاجة اتريها فى الهوا
فين اللى كان محتاجلى وكان يحلفلى ليل ونهار
كان بيقولى انا من غيرك كل حياتى ويل ومرار
ويل ومرار ويل ومرار منك
ازاى يضحك عليا غمضت انا ليه عنيا
ما انا فاهم كل حاجة وازاى سكلته
كام مرة كدب عليا ويجيب اللوم عليا
وانا كنت ازاى بصدق وليه غفرتله
اه من اللى كان متمسكين وكان متمكن من الغرام
اللى كان الدمع فى عينه تشوفها تقول لا ده حرام
لا ده حرام غدرك

ومالنا

ومالنا ايه جرالنا اتغيرنا
محدش بقا عايز حد محدش بيصدق حد
محدش بقا حابب حد
احنا ناقصنا الامان احنا ناقصنا الحنان
احنا ظلمنا الزمان ونسينا عشرة بعض
بقا عيب اوى علينا لو شوفنا دموع عنينا
ولو شوفنا اللى فينا نصعب اكيد على بعض
مش عارف امتا هنبطل نكدب على بعض
ولا عارف امتا هنتعلم ونسامح بعض
جرحنا الدنيا وبنجرح انا وانت فى بعض
محدش بقا عايز حد محدش بيصدق حد
محدش بقا حابب حد
احنا ناقصنا الامان احنا ناقصنا الحنان
احنا ظلمنا الزمان ونسينا عشرة بعض
بقا عيب اوى علينا لو شوفنا دموع عنينا
ولو شوفنا اللى فينا نصعب اكيد على بعض