يالليل العاشقين اسهر
وسهرنا
ووسط نجومنا وقمرنا
تصبرنا
وبتضوى
وبنقيدلك قناديلى
وبسمه رايحه ما تجيلى
بافكارى واشعارى
ما بتجيلى
وانا واحد من شباب جيلى
بغنيلك
تعالى وحن واحكيلى
هويتك من زمان ف سكات
وألمى عهد ولى وفات
يالليل العاشقين موعود
بغياباتك
بحُب تانى ليه موجود
بعزاباتك
وانا جاى بغنيلك وبهديلك
حبيب تانى
قمر تانى بسمواتك
تشوفنى اليوم بتتبسم
فؤادى خلاص بيتعشم
يسمع صوت مواويلك
وصلواتى ودعواتى
بحضن الليل
بتدعيلك
تكون جنبى
ماهوش زنبى
انى كنت زمان
مخالف فى خطوط سيرك
فبدعيلك تصبرنى تسهرنى
ف احضانك
وتروينى شهود ريقك
ما فجرك تانى شقشقلى
وفوقنى
ومد حبال
لتلحقنى
لا حب زمان يغرقنى
فدوقنى هنا الاحباب
ومد جسور لكلماتك
خيالى طار وحلق فوق
خيالى حلم ما بيفوق
مضلم من سواد ليلك
حبيبى احلا ما ف الكون
حبيبتى ورده ما بتهون
انا وحدى اللى بقطفها
ما هى اجمل الاشعار
تجينى كل يوم بافكار
وتنهيده
تنصبنى ملك سلطان
بلليل العاشقين ولهان
سوا ف لليلك بنتكلم
ونتعلم معانى الحب
ونروى قصيده وقصيده
سطورها دفء
دى بتجينى ف احلامى
ف منامى
تقلى اصحى يلا وفوق
دا لليل العاشقين
مخنوق
ومستنى يشوف احباب
بيتسامحوا
يسهرهم يصبرهم
ويسمع تانى مشاكلهم والامهم
ويفرح لما يتعاهدوا
على لقاهم
قوم يالا وصحصحلى
حبيبى جانى يفرحلى
كتاباتى واشعارى
ولليل اسود مفيهش نجوم
صبح تانى باحوالى بيطوى هموم
وبيسطر بكلماتى سطور الفرح
ولا غيمه بغيماتى
تمطر حزن
ولا تسرسب فى لليل عاشق
دموع ودموع
ولا تسيبلى فى اشعارى
قلوع تايهه ف وسط البرق
ما جيتك يا لليل عاشق
بدف ورق
وبحكيلك بلاويه
وتتحسس امل فيا
فى حب جديد
وادينى بعيد
قصة حب قلابه
على بحورك
فنورلى قناديلى شموع بالليل
حروفى راح تصير كمل
ولليل اجمل
نهاروا سعيد
يمد الايد
يساعدنى
ف حب وليد
