الوا هيخلعوا حسنى واهم خلعوه

الوا هيخلعوا حسنى واهم خلعوه
واهو ابنى اللى كان حيلت
اهم قتلوه
واهى ضاقت قوى يامه
وكل شىء غللوه
قالوا هيرفعوا الدخل
وكل عاطل هيعينوه
واللى ماله عمل ولا اى شىء عملوه
واللى ماله دخل
والفقر حاشش وسط ابوه

وقالوا اللى سرق ينحبس
واهم حبسوه
قالوا هيكسروا العند
واهم خلاص كسروه
اللى ظهر كان بلاء
ايه يا ترى كمان خبوه
والبلطجه سايبينها ليه
والامن فين ودوه
مليون سؤال يا ناس
فى دماغى هيفرتكوه
من بعد قيام ثورتك يامه
الامن فين اخفوه
ولا الامن ملك العادلى ورث عن ابوه
واللى سرق وهرب
ومش عارفين يجيبوه
وحسنى اللى عنده واوه
مره غيبوبه
ومره رعشه ف ودنه
ومره نفسيته
اللهى يخرب بيت ابوه
متخلصوا وحاكموه
ايه اللى بيحصل يا ترى
حوار بيسبكوه
ولافيلم كبير
على امنا بيمثلوه
يا خلق هووووووووووه
الامن رجعوووووه
والمصرى ارحمووووووه
انتوا ليه بتجوعووووووووووه
انتوا ايه هتموتووووه
يا ناس اتقوا ربنا
خافوووووووووووه
اللى هيفضل ليكم
اللى بتعملوووووووه
غير عملكوا يا ناس
ايه اللى راح تخدوووووووووه
الرحمه يابه شرف
اللى احنا فيه ياعم
ولا كنا نستهلووه
دا مصرنا بتموت
يا عالم فهموه
اوزنوها بقه
والعدل نفذوه

_________________
عطيه خضرى عطيه
قلين / كفر الشيخ