فارس احلامك للبنات فقط

خطر في بالي سؤال كده ممكن كل بنت بتسال نفسها السؤال دوة

و السؤال هو :

مين هو فارس احلامك
يعني شكله ازاي و ملابسه و تسريحة شعره و طوله و شكله و الموديل بتاعه و اخلاقه ازاي رومنسي ولا جاد في حياته اه اصلي في بنات بيحبو الجد زياده عن اللزوم عشان تتفاهم على طول بدون لف ولا دوران
يعني الحركات دية بتاعت البنات

انا بصراحة من نفسي يعني اعرف كل بنت في المنتدى صفات فارس احلمها ايه

من حيث :

1_ شكله اذا كان مدي على اجنبي او مدي على فلبيني او مصري بلا منازع يعني

2_ لون بشرته

3_ تسريحة شعره

4_ موديله من حيث الملابس يعني رسمي ولا كجول ماشي على الموضه

5_ عيزياه يكون ايه حنين ولا جد ولا في الوسط

6_ و الحاجات الي تتمني يجبهالك لما تتجوزوا او تتخطبو ان شاء الله



شوفتو السؤال طويل الزاي بس عيزين الاجوبة ممكن ندورلكم على عريس ولا حاجة ( اشتغلت خطابة )

اقتباس:

---

موديله

---

يعني كاديلاك ولا بي ام دبليو ولا فيت مثلا

بتهيألي وأعتقد ان البنت الذكية العاقلة

يوم ماهتفكر هتفكر في انسان أهم صفاته

التزامه بدينه وبالأخلاق وباحترامه لذاته

وقدرته على حماية زوجته وبيته

غير كده اسمحوا يبأى لعب عيال

معلش كلمة تقيلة

لكن اللي تفكر اذا كان أسمر ولا أخضر ولا بنفسجي

عنده عربية سته متر بيديي على هندي شوية على بتنجاني

تبأى عايشه في خيال مالوش دخل بالواقع ومعندهاش طموح حقيقي

ولا ايه يابنات :)

الصراحه يا استاذه شمس عندك حق والله البنت الذكيه هيا الى تفكر فى فارس احلامها فى دينه علاقته بربنا ازاى التزاماته والخ ........

على العموم تسلم يا مان على التوبيك جزاك الله كل خير

• عندى فكره موضوع حلوه اوى بالنسبه للبنات اللى لسه ما تجوزوش . كل واحده تقول مواصفات فتى احلامها ياعنى على سبيل الفضفضه بس يكون يعنى كل اللى بتحلم بيه بصراحه . انا هابدأ أولا :_ سعيد الحظ طبعا اللى الكل بيدعيله فاهمينى طبعا يبنات عارف ربنا وملتزم كدا و نعين بعض على طاعه ربنا سبحانه وتعالى . ثانيا:_ يكون طبعا بيحبنى اوى ....ثالثا:_ يكون فى نفس المستوى العلمى يعنى خريج طب(دكتور) برضو علشان انا بحب اكون فاهمه كل حاجه عن اى حد بحبه طبعا انا ساعته هاكون بحبه ولازم افهم كل حاجه فى شغله وحياته...........رابعا:_يكون فيه كل مواصفات الرجوله يعنى شهم وطيب واصيل ومتعاون ركزوا على دى متعاون فى كل حاجه خاصه شغل البيت يعنى بقول مساعده مش هايعمل كل حاجه ............خامسا:_بالنسبه لشكله يكون مقبول بالنسبه ليا ياعنى انا اشوفه بنظرى احسن واحد فى الدنيا وشيك فى لبسه ........ سادسا :_بالنسبه للمستوى المادى يعنى يكون ميسور الحال . بس اهم حاجه ما يكونش بخيل علشان ما اتخنقش منه . طبعا لو حصل ما يسمونه بالحب من اول نظره هتبقى فى اعتبارات تانيه يعنى ممكن اتنازل عن بعض الحاجات وخلاص بئا امسك فيه بايدى وسنانى واقوله بابا ... بحبه يبابا ههههههههههههههه .

https://forum.masrawycafe.net/showthread.php?t=10727

الاول ازيكوايا بنات
بالنسبة لمواصفات فتى احلامى اللي هو طبعا ان شاء الله زوج المستقبل
من ناحية صفاته : طبعا في صفات لا خلاف فيها زى التدين( بس بالنسبة لي من غير تزمت يعنى بيحافظ علي الفروض ولا يدخن) و الصدق والوفاء والشهامة والاخلاص وتحمل المسئوليةو................
اما بقي اللي انا عايزاه زيادة انه يكون (حنين-رومانسي- يحسسنى دايما بحبه وخوفه عليا- يثق فيا-ميكنش خاين ولا كداب - طيب بس طيابة بنصاحة - مرح بس مش مهرج- جرىء- متفائل- طموح-ميعملش بينى وبينه اي فروق- صريح معايا- عايزة اكون اعز صديق له زي ماانا حبيبته- عايزاه كل حاجة ليا حبيبي جوزى ابويا اخويا ابنى..........كل حاجة
- يعاتبنى ومش يعاقبنى ويسامحنى لو غلطت- ميدخلش حد مابينا في اي حاجة- متزن في تصرفاته وقرارته وبالتالي اثق فيها وفي ارأئه- بيعمل حسابه لكل كبيرة وصغيرة- واهم شىء ان طباعه تكون متوافقة مع طباعى...
بالنسبة للنواحى الاجتماعية والمستوى العلمى والمادي و........(يكون في توافق بينا يعنى مش مهم يكون اكبر منى في المستوى المادي المهم انه يكون قريب منى والفرق ميكنش كبير ولو هو اكبر اكيد هيكون افضل ويعيشنى في مستوى زى مابيقولوا مستور الحال (اهم شىء ميخلينيش احتاج حاجة من حد حتى لو الحد ده اهلي انا )
ويكون مؤهل عالي زيى ومش شرط نفس الكلية
ومن الناحية الاجتماعية تكون عادات اسرتنا واسرته قريبة كتير من بعض
اما بقي الشكل يكون مقبول ليا مش شرط يكون امور بس طبعا ميكنش وحش

كفاية كده ولو في حاجة تانية هبقي اكتبها
هههههههههه

بسسسسسسسسسسسسسسسسسسسسسسسس س انا عارفة انى طولت
علي فكرة في صفات تانية بس بجد كفاية عليكوا كده بس يارب اللي لاقيته يكون في كل ده او علي الاقل معظم الصفات دي
يووووووووووووووووووووه كفاية بقي
سلااااااااااااااااااااااا ااااااااااااااااااااام