أجمل ما فيكى يا مصر
إنك بلد حرة
مكسية توب النصر
من جوة مش برة
وماحية ذل الأسر
واليأس والحسرة
يا محلى كلمة مصر
بالفتحة مش كسرة
حررَّها فعل السحر
وشبابك السحرة
طالعين فى ليلة قدر
بقلوبهم الخضرة
بينادوا لمَّا الفجر
نوَّرها بالنصرة
والظلم قبل الضهر
يتلاشى بالمرَّة
والعدل بعد العصر
ينهض من العثرة
من بعد طول القهر
والتوهة والسكرة
بيطُل طلَّة بدر
بالعند فى الفجرة
ويعدَّى ليها البحر
جايب لها القمرة
من بعد طول الصبر
يبدرها بالبذرة
يرويها طول العمر
وتنبِّت الشجرة
والزهر طارح عطر
من ريحة الثورة
والحُر كان من مصر
من أرضها الحرة
اجمل ما فيكي يا مصر
:x:x:x:x:x:x:x
