سابرينا

انا عضوة جديدة
ودخلت هنا لان كنت بدور علي حل لمشكلة انا فيها
ومش عارفة احلها ازي
وارجو منكم المساعده او الرأي الفعال
انا كنت بحب شخص وهو كان بيحبني يمكن اكتر ما انا بحبه
في الفترات الاولي كان حبه ليا اقوي من حبي ليه
يعني كنت ازعله يصالحني كنت مدللة علي الاخر بين ايديه وكان يخاف يقول كلمة لاعمل مشكلة واخاصمه او ازعل منه
عمره ما زعلني ولا جرحني ولا حتي قال كلمة بعدم احترام معايا بالعكس يحترمني لابعد الحدود


دلوقتي فرقت بنا الايام وانا قلت خلاص مش مهم مش بيدي حاجه
ويحصل ده وبعد فترة شهور نرجع تاني
وهو كان دايما ال يسئل عني وانا لا ويسئل عني اي حد ممكن يعرفني
اصحابي اي حد
المهم بعد فترة
انا اتخطبت وبعد فترة من الخطوبة هو عرف وقالي مبروك واهم حاجه سعادتك
وبعدنا وبعدين رجعنا تاني
لكن انا مش مرتاحة مع خطيبي وهو عارف وعارف اني هسيبه
وكل مرة كنت بقوله فيها هسيبه وخلاص كل واحد ف حاله ارجع واقوله خلاص امه اعتذرت وابوه والكلام ده والموضوع بيتصلح تاني
لحد مانا تعبت من خطيبي وقررت القرار النهائي اني اسيبه خالص
وبالفعل تم
لكن دلوقت حبيبي بعد عني فترة ومبقاش يسئل عني زي عوايده
وعرفت في الاخر قدر حبه ليا وحبي ليه مكنتش اعرف اني بحبه جدا
ودلوقت هو ضاع مني
ومش عرفة ازاي اقدر ارجعه تاني يثق فيا وف حبي ليه
ع الرغم انا عرفة حبه ليا انه بيحبني جدا بس انا حسة بيه هو تعب مني وزهق مني ومن كل عمايلي معاه
لكن انا عندي امل ف ربنا انه يسامحني
عارفة غلطت انه انا السبب اني ضيعته
لكن دلوقت انا فوقت وندمت ورجعت
اعمل ايه؟؟؟؟؟؟؟؟؟؟؟؟
ارجو الافادة

بسم الله الرحمن الرحيم

اولا ياقمر خليكي متفائله للدنيا وخلي عندك امل ف ربنا
اما عن حبيبك والمشكله اللي انتى كتبتيها دي
اولا دي غلطتك انتى ف الاول لما تلاقي حد يحبك الحب ده ويخاف عليكي اكتر من نفسه مكنش مفروض انك تبعدي عنه ولو ايام حتى لو حصل اي حاجه
وبما انك بتقولي انكم بتبقو مع بعض لفترات وتبعدو فترات وقدرتو انكم تتخلو عن بعض لأيام بسهوله اوي حد من الطرفين ينسي التانى مش تزعلي من كلامى انا بقول راي
اما انك اتخطبتي دا موضوع تانى خالص ف حاجه انتى قولتيها وليا وقفه عندها
ازاي وانتى مخطوبه وجه الشخص اللي كنتى بتحبيه وبركلك ورجعتيله زي ما انتى بتقولي اللي خلكي تفكري انك تسيبي خطيبي دا بعد ما حبيبك رجعلك تانى دا مش ينفع خالص وعايزة راي انتى لو فعلا بتحبيه جدا حتى بعد ما سابك وحاسه انه كان ف امل انكم تبقو لبعض او ترجعو مكنتيش وفقتي ع الخطوبه حتى لو غصب


وبتقولي خطوبتك خلاص اتفشكلت
طيب اسالي نفسك يا سبرينا ليه حبيبي بعد عنى المرة دي ومش سال متل عوايده
وهاتلاقي الاجابه
وانا كمان هاقولك اجابه صغنتوته هو بعد لانك اتخليتي عنه لمجرد انه بعد عنك لفترة لظروف مثلا يعنى واتخطبتى وبعد ما خطوبتك مش حصل نصيب وسبتيه عايزة حبيبك دا يرجعلك
صعب ع فكرة
ومش تندمى الندم مش بيرجع حاجه وربنا يصبرك
بس خلي عندك امل ف ربنا سبحانه وتعالي وان شاء الله لو ربنا كتبلكم تبقو لبعض هاتكوني ليه
بس انتى مش تنسي ربنا خالص
وسوري لطريقه كلامى انا عارفه انها مش هاتعجبك
واخيرا حبيبتى اللي ربنا عايزة هايكون

أختى العزيزة نصيحة أخ لأخته

الحب الحقيقى بعد الزواج أما غير كده مفيش حاجة اسمها حب دى مراهقة وبس وكمان كده بتغضبى ربنا لكن مع جوزك فالحب له طعم تانى لانه حقيقى مش اوهام وخيال

معاك ف كلام وكلام لاء
لا فيه حاجه اسمها حب وحب ناضق مش مراهقه:-P
الحب مش حرام ولا عيب
معاك انه مفروض يبقي بعد الزواج لأسباب كتير اوي اولهم رضي ربنا سبحانه وتعالي
لكن برضو الحب والارتباط قبل الجواز دا مش بتغضب ربنا مدام بكل ادب واحترام وحدود
ومعاك ان الحب مع جوزك له طعم تانى وتالت بس تقدر تقولي لو القلب اتفتح وارتاح لشخص نعمل ايه مش دا برضو ربنا بيبقي عايزو
ومتل ما قولت ف الاول الحب مدام شريف ومبني ع صدق واحترام يبقي مافيش مشاكل وبكده مش هنغضب ربنا