الواحد قاعد لا بيه و لا عليه يلاقى أيميل من النت
احترس هذا الدواء فيه سم قاتل ..
و أحاول أعرف مين اللى كاتبها أكتشف انه مايعرفش الفرق بين الأسبرين و السكر السنترفيش
و بعدين الرسالة جاياله من واحد تانى ابن حلال أخذ على عاتقه مشقة تحذير الناس الطيبين من دواء يخيل اليه أنه حية تسعى =((
طيب اسأل حد فاهم قبل ما تنصح
يعنى قبل ما تضغط فوروارد بكل قوتك بلا شفقة و لا رحمة اسأل أى دكتور عارف .. :x
لا و تلاقى التانى مفرودلك ايميل هو كمان عبارة عن الحادث السعيد المفرح المتمثل فى إسلام ماوكلى شاكسون :"> اللى الأمريكان نفسهم بيتقرفوا منه
ده على أساس ان دى أفضل دعاية للدين اللى بيحارب التغيير فى خلق الله !!!!!
:-/
و تلاقى بقى إيه ناس متحمسين قوى و قاعدين ينشروا لك صور تحت عنوان (سبحان الله ..و يخلق مالا تعلمون) و تلاقيه كاتب تحت الصورة ان دى صورة الجنى فى كهوف مابين النهرين :-O
يا سلاااااااام ...إيه الجنى الطيب ده :) اللى قعد هادى وو ساكت لحد ماخادوله صورة ...شكله كان بياخد قيلولة كده فى السريع و فلاش الكاميرا صحاه من النوم :D
و بطاطس مكتوب فيها من جوه لفظ الجلالة ... طيب دى حلال الأكل والا حرام اننا نقليها و ناكلها فى أيام المجاعة اللى احنا فيها دى؟
طيب و القرءان اللى هو معجزة المعجزات .. و جسم الانسان اللى كل خلية فيه بتنطق بقدرة الخالق جل و علا ...كل ده مر على الكفار و صورة الجنى اللى متشعلق فى المغارة هى اللى هتخليهم
يؤمنوا !!!!
:-/
و بعدين بقى الطامة الكبرى فى اللى بيجيله حديث مكذوب على الرسول عليه الصلاة و السلام و بدون أى تفكير و لا بحث عن السند و لا السؤال البديهى (من أين لك هذا) تلاقيه ضغط (Forward ) :(
لا و كمان مايكتفيش بكده ... لازم ينشره فى كل المنتديات و الجروب اللى مشترك فيها ..ده إذا ماشتركش مخصوص عشان كده ;;)
و العجيبة بقى تيجى تنبه واحد ان الحديث موضوع ... يقولك : يجوز الاستشهاد بيه فى صالح الأعمال :">
يعنى انت فاهم أساسا يعنى إيه صالح الأعمال و يعنى إيه الكذب على الرسول صلى الله عليه و سلم
و ان فيه أساسا ألف حديث صحيح لهم تأثير و فيهم هداية أكثر من حديثك الموضوع لكن اللى ضحك عليك و بعتهولك مارضيش يبعت الصحيح ......
عمرك فكرت كده مع نفسك : ليه اتبعت ليا حديث ضعيف مع ان الأحاديث الصحيحة بالألاف؟!!!!
:)
ضميرك ده عمره مانبهك إنك تتعب نفسك دقيقة و تدور على مصدر كل ده قبل ما تنشره على الناس>:D<
ياريت أعرف رأيكم
copy :)
