بنحبك ياريس

بحبك يا ريس
وحبك يا ريس
معكنن علية
مقطعلى قلبى
مطلع عنية
سبونى فحالى
وبيا اللى بية
دا كل اللى لية
محرم علية
عشان حاجة واحدة
عشانك يا ريس

بحبك يا ريس
دى كلمة قالوها زمان من سنين
وكل اللى قالها مطين بطين
يا سارق فلوسنا
يا كاتم نفوسنا
يا واكل عرقنا
برجلك دايسنا
ولسه بحبك
واحب اللى حبك
وبحلف هحبك
واحب اللى جابك علينا يا ريس

مبارك يا ريس عليك البلد
لابنك وابنه وولد الولد
سوزانك سوزانا
جمالك جمالنا
علائك علائنا
وبكرة وبعده
وطول الامد

غبائك يا ريس
ملوش حل خالص
وسايق ف هبلك
كلامك هجايص
ولولاك يا ريس
مكنشى دا حالى
وحال كل مصري
مدروخ ولايص

قالو العيشة حرة
وهي العيشة مرة
ومش مر عادي
دا صبرك يا ريس
ممر بلادى
واسعار بترفع
متنزلش مرة
وباين علينا هنطلع لبرة

رغيفك يا ريس
بيصغر ما يكبر
وسعره يا ريس بيرفع مينزل
سألنا دا ماله
قالولنا الحديد
وايه العلاقة
بسعره الجديد
تكونش يا ريس لغيت الدقيق
ونطحن بداله برادة حديد
مهو انت اللى عارف
وسامع وشايف
جمالك جمالنا
وعزه اللى خاننا
وولع بلدنا
برفع الحديد

متصحى ياريس
وصحى البلد
هنبقى يا ريس كمالة عدد
ف وسط العوالم
وشعبى اللى هايم
وكبته اللى دايم
وقرشه اللى عايم
هنبقى يا ريس كمالة عدد

واقولك واعدلك
لانى بحبك
نصيحة فصيحة
نصيحة مريحة
لبلدى وبلدك

مترحل يا ريس
ليه ديما متيس
وديما تهيس
مترحل بقه

الله الله والله هو يستاهل اكثر من كده ماهو ضيعنا وخلاص يا عم المهندس:x:x:x:x:x:x:x

مأمنين على حياتكم >:D<

ربنا يحفظ الكل

بس هي جميلة يسلموو :)

جمهوريه مصر العربية ( المملكه العربية المصريه) بحبك يا.....ريس !!!!

انا اسف جدا ان اقرأ عبارات سب وقذف لرئيس البلاد الذى انتخبه الشعب لا تقول انك لم تنتخبه لانك لم تشارك فى الاستفتاء وجلست فى المقهى تدخن الشيشه وتعزف على وتر انك مقاطع للاستفتاءات والانتخابات لان التزوير يلحق بها ولا تمثل الحقيقه يا اخى اذهب الى الاستفتاء واقول اللى انت عايزه فى بطاقة الاستفتاء او الانتخاب اى اعمل اللى عليك وادلى بصوتك اما ان تتخاذل وتتهاون وتمتنع عن التصويت تبقى انسان جاهل واهدرت حقك السياسى وضيعت انتماءك لهذا البلد واصبحت مجرما او خائنا فرط فى حقه الدستورى باختيار حكامه ونوابه انا فى اشد الأسف

ومين اللى قلك انى مرحتش انتخب رحت وما ادتلوش صوتى بس المشكله انك تلاقى شخص يخلوه يمضى على 20 ورقه ويصوت فيهم للريس علشان الراجل ده غلبان وناس ميته تلاقى اساميهم فى الكشوفات وتقولى بعد كده عبارات سب وقذف يلا الدنيا والدوام لله

يا شعبى يا حبيبى يا روحى يا بيبى يا حاطك ف جيبى يا يا ابن الحلال يا واكل سمومك يا بايع هدومك يا حامل همومك و شايل جبال يا شعبى اللى نايم وسارح و هايم و ف الفقر عايم و حالو دا حال احبك محشش مفرفش مطنش و دايخ مدروخ و اخر انسطال لكن لو تفكر تخطط تقرر تشغللى مخك وتفتح جدال وتبدا تشاكل و تعمل مشاكل و تنكش مسائل و تسال سؤال هبهدل جنابك واذل اللى جابك وهيكون عذابك دا فوق الاحتمال هتقبل هحبك هترفض هلبك هتطلع هتنزل هجيب لك جمال
وده كان رد جناب الرئيس علي المواطن الغلبان عبدو وبقوله بلاش تكلم في السياسه يا ابني والكرسي ده بتاعي انا اشتريه علي حسابي الخاص اللي في بنوك سويسرااا وهفضل قاعد عليه ومن بعدي ابني وابن ابن ابن ابني مهو ميراث من حق اللي جابه واللي جاب جنابه ..... ربنا يعنا علي اللي جاي .... موضوع هايل وبجد انت قولت المفيد يا مصراوي وبالنسبه للي بيقول انك بتسب او بتهين رئيس بلدك يا ريت بس يفكر ولو دقيقه في حال بلدنا واللي احنا فيه ووقتها مش هيحس بان ده سب ده مجرد رئي مواطن من 75 مليوووووووووووووون واحد مصراوي عايش في مطحنه الحكومه المصريه .... في انتظار مزيدك.... وتقبل مروري

مش بزمتك هو ده الواقع اللى احنا بنعيشو مش بقى تقصه شعارات وسامع كلام شتم وقذف للريس وكده

نفترض ان انا وحش وبنكر الجميل طيب الناس دى كلها وحشه وبرده بتنكر الجميل

هو يعنى بالزمه لو كان كويس حد كان قال عليه حاجه

بص ياعبده

لصهة بدرى قووووووى عليك

لما تعرف تتكلم فى السياسة

السياسة دور فن الممكن والرئيس بنتاعك هو مبدع فن الممكن

اما عن الاوضاع الاقتصادية فى البلاد لها ناس تانية مسؤلين عن الكلام ده

وحاولنا كل مرة نقولك هذا وانت مصمم على ان الريس هو المسؤل

ياخىىىىىىىىىى خلى بالك ان كل شخص ( له دور )

غير فكرك بقى كى تفهم الادوار

يعنى لو انت طالب - تقدر تقوم بالملاحظة فى الامتحانات

كل دور له الشخص المناسب - والريس له اختصاصات اخرى

والله انا موش حزب وطنى ولا حاجه - بس حبيت اخليك تعرف من دى الوقتى اذاى تتكلم فى نقط مهمة

دون الحماس العقلانى - ونحمل الموضوع كله للرئيس - كل واحد ليس عنده ضمير فى شغله هو اللى وصل الامور لهذا الحد فى مصر

ولو فصل الكل من منصبة يصبح فراغ سياسى لا تقدر عليه الدولة بس فيه ناس بتسرق وملعوبة صح لانه لديه لجنه من المحامين

اللى تقول اعمل ده والقانون يحميك وموش هتتحمل حاجة

اقولك حاجة تانية - اذهب لمكتب عضو مجلس شعب - زيارة - ولا تتكلم

تلاقى محامى او اثنين - يوجهوه لعمل الاشياء حتى لايقع فى اى خطأ - تعلم الساسة - تعلم شغل السياسة الغامضة

اللى بيسموها فن الممكن ياعبد

ارجو عدم الزعل لان والله انت شخص عيز قوووووى عليه

وتحياتى لشخصك الغالى المحترم وفكرتنى ايام ماكنت صغير وافكر فى السياسة كان عندى نفس حماسك ولما ذهبت مع المجالس المحلية واحتتكت باعضاء مجلس الشعب رايت كل ما ارىه اليك

تحياتى مره اخرى لك ايها الشخص العزيز اللى بعتز به والله من كل قلبى

شكرا جدا على ردك بس كان عندى سؤال واحد

سياية ايه اللى تخليه يصدر غاز طبيعى لاسرائيل بتمن ققل بكتير من تمنه

خلينا مش معترضين فى انه يصدر اى حاجه لاسرائيل(سياسه بقى) طيب ليه يصدرها بققل من تمنها ثم

انى طول عمرى اعرف ان الواحد بيصدر لما يكون عندو احتياطى كتير هو احنا فعلا عندنا احتياطى كتير غاز