هذا جزائى

بعد ماكنت أول من يمسح دموعك...صرت جافيني.

بعد ماكنت أول من يقتل حزنك وهمومك ... صرت ناسيني.

بعد ماكان صدري يطفي حرقة ظنونك ...صرت كارهني.

سوي إلي تبي تسوي ... صد .. أجرح .. ألعب بالمشاعر ولاتهتم بالضماير واضحك لاشفت جرحي ثاير وازعل لاشفتني من الفرحة طاير.

صدقني ماتهمني دامني بالحب صادق راح أشوف غيرك ،،، وإذا أنت حنون راح أحصل منبع حنان ،،، وإذا حكيك يريح،،، راح أشوف مصدر أمان،،، وفي الأول والأخير أنت إلي خسران ،،، بعتني وأنا لو أبقى معك سنين راح تشوفني دوم لك ولهان.

راح أعلمك...

راح أخليك تشوف صورتي في كل دمعة،،، وتحس بطيفي في كل آه ،،، راح أخليك تذكرني في كل بسمة ،،، وتناظر طيفي وسط الزهر حتى الهوا بتشوفني معاه.

دامك ماتفهم كلام البشر وما تعرف لغة العواطف...

ناظر المطر كيف يسقي الزهر وتذكر حبي كيف سقى قلبك...

ناظر الزهر كيف يحتضن النحل وتذكر كيف كنت أحضن قلبك...

ناظر الهوا كيف تشتاق له أنفاسك وتذكرني يوم كنت ما استغنى عنك...

وروح أبكي عند النهر وشوف كيف يحتضن دمعك وتذكر أيدي يوم كانت تمسح عليك وتحتضن دمعك...

لاتستغرب لاحسيت بقسوة في حروفي ،،، ترى كل هذا من النار إلي بجوفي...

علمتك كيف تحن وقسيت علي بكل جدارة...

علمتك كيف تنسى تناهيدك وأشعلت بقلبي ناره...

علمتك كيف تحب وخنت الحب وما عرفت مقداره...

علمتك كيف ترتاح وأنت زرعت فيني هم من زوده تبني فيه عمارة...

والحين بصراحة وبكل حماس أقول إنساني ... واتركني أبشر جوارحي بأحلى التهاني ... فرقاك عيد وبسبتة بديت أحب زماني ... حتى الضحك إلي نسيته بعد فرقاك جاني...

دامك ماتحس...

ليه أضيع معك وقتي وأيامي ،،، ليه أحن عليك وأنت سبة جروحي وألامي ،،، ليه أسهر تعب وخوف وأنتي بكل هنا تنامي ،،، ليه أتعامل معك بلطف وأشيل همك وأنت تعاملني بشكل دامي...

ترى هذه حياة ومشاعر محد له حق يلعب فيها...

تذكر حال قلب إلي حبك إلي تروح وترجع له وما صدك...

يشوف جروحك وذل صمتك وفوق هذا ما هدك...

بعد هاليوم ماهمني تجاهلك ... وعظم الله أجرك في موت مشاعرك.

ضحكت علي كل حاسد ،،، وخليتني شماتة في لسان كل حاقد ،،، والكلام فيك واجد لكن أكتفي بقول حامد...يوم قال:

ابـي قلبــك يـحس انه فقــد بمحبتـــه رجال()()
ملكته من هدب عيـن وخسرت ارضــاه بإهمــالك
صحيح إن الفراق أقــسى لكن الوصــال مــحال()()
وأنا صعب علي أرضي غـرورك وأضعــف قــبالك
بعـــد ماحققت عيني في بعدك للــرقاد أمـال()()
أعود للسهـر ياخــوي فـال اللــه ولا فـالك