اهداء الى الاخت العزيزه اميره بلا وطن
يا أميره يا ضى عالى
ف العلالى عمال يلالى
تهت فيكى من كلامك
وكان كلامك ليا غالى
كان كلامك زى سوط
يجلد الصمت السكوت
يرسم البسمه البريئه
فى حديقه من السكون
والله دايماً ف العلالى
بدعوا ربى ليك يا غالى
كل صفحاتنا اغانى
من بديعك عطر جالى
يا أميره طوفى تانى
وعيدى لينا ف المسامع
من حديثك كل سحر
من ندائك سلب فكر
وف الحقيقه يا بديعه
كل شعرك كان حقيقه
************
لما قلتى انا فلاحه
كان فلاحك فى الكتابه
كان حديثك ليا غاده
كان عبيرك م الطيابه
كات اصولك شرقاويه
والطباع دى قبلاويه
والادب دا كان دليلك
م الاداب مليتى نيلك
وبالادب مفيش مثيلك
اسكندريه ليكى ساحه
لما رحتى اسكندريه
زرقة البحر البهيه
كات زكيه تولد الفكرا
الشقيه فى رحابك
************
ولما قلتى سيبنى عيش
بعد كلامك متلزمنيش
شفت فيكى الكبرياء
شفت فيكى الانتقاء
شفت ياما م البشاشه
شفت عقلك فيه كياسه
***************
ولما قلتى الرحيل
كان جميل
كان رحيلك للموانى
فكر تانى
كان رحيلك فيه امانى
حتى لو تخاريف ما قبل الرحيل
كان عبيرك جاى يطوف
************
فرحتى تانى
جاتلى امانى
شافنى مره جه هوانى
تحت بتنا وقف شجانى
شافنى ياأمه وجه عريس
فرحه دايبه كان هويس
من الاغانى
جانى عريس
نزلتى تانى تعطرى كل الامانى
تفجرى وتشاركى ثوره
ثوره جايه بكبرياء
ثوره تمحوا كل البلاء
نزلت اميره للميدان
وقالت الظلم ولى وبان
يا هشام
كان كلامك بديع جميل
يا هشام شوفلى لحن
لما بكتب كل لحن
دور على نانا واياك تحن
ودعيتى تانى
وقلتى يارب استرنى
وكمان سبحانك اللهى رب الكون
بديع فى الوانك سبحانك يالله
طوفت تانى
لقيتك اكبر من امى
اتارى بيكى وجع
والحزن والهمى
ضيع فؤاد الجدع
لما اشتكيت لامى
وليه بتهرب م الاماكن
ياللى جوا القلب ساكن
كان بديعك
نسج تانى
سحر تانى
يا اميره تهت فيكى
احترت فيكى
كل ما اترحل الاقى
لكيى انتى الف بوح
تعبت فيكى
ليا عوده اكيد دى ليكى
