خلصت الثانوية .. تعالى هنا قبل ما تدخل الكليه

السلام عليكم و رحمه الله و بركاته
1000 مبروك لكل اللى نجح فى امتحانات الثانوية العامه سواء ظهرت نتيجته او هوا حسبها مع نفسه
طبعا كلنا داخلين على اشهر الاجازة الكبيرة .. يعنى اجازات و مصايف و غيرها
طيب ايه رايكو نستفيد من الاشهر دى اقصى استفادة ممكنه ... خصوصا ان رمضان فى اول شهر اغسطس
تعالى اقولك ازاى

اولا : ايه رايك قبل ما تدخل الكليه ... تاخد الشهر دا هدنه مع نفسك تقوى نفسك فى الانجليزى او اللغه اللى بتحبها
و كمان تاخد كورسات كمبيوتر لانو لغه العصر .. و بيه تقدر تستفيد فى الجامعه انك تعمل الابحاث و المشاريع بنفسك
انا مش هقولك زاكر زى مزاكرة الثانويه لانى كدا هضحك عليك و على نفسى
لكن بقولك شوف اكتر حاجه بتحبها و حاول تحضر فيها محاضرات .. سواء مجانيه او منح او غيرها
الفرق بين الثانوية و الكليه ... انتك بتختار فى الكليه القسم اللى انت عايزة .. او حابه و ان شاء الله هتتفوق و تتميز فيه
لكن فى الثانويه بتدرس معظم الاقسام حتى لو نبذه عن كل واحد فيهم .. و مش ضامن ايه التنيجه

طيب ايه الكورسات اللى هتاخدها ...
لغات - كمبيوتر - تنميه بشريه - .... البرامج و التخصصات كتير ...
هعملكوا ان شاء الله موضوع خاص بكل مراكز التدريب و البرامج التدريبية الخاصه بيهم
يعنى الكورس اسمه ايه و مين هيستفيد منه و اسعاره و الاماكن المتاح فيها

مثال (1) برامج مركز كيت و الاسعار فى الرابط التالى
من هنا

فكروا انكو تستفيدو من الوقت دا .. بجد دى فرصه مش هتتعوض ... زمان قالولى الكلام دا .. بس معرفتش قيمه الكلام دا الا لما فعلا مريت بالوقت الحالى
وضغط الشغل خلانى معنديش اى فرصه ازود افكارى او ادرس حاجه تميزنى عن زملائى فى الشغل اللى متخرجين معاهم شهاده التخرج

فا الوضع الحالى بيفرض عليا ازاكر و ارتقى بنفسى فى اى وقت فاضى فى البيت

و ان شاء الله مستعد اساعدكو ... سواء انى ادرسلكوا مجانا .. او ادلكوا على الاماكن اللى هتفيدكو

لان نسبه من مراكز التدريب ... هدفها ربحى 100% عن انك تتعلم شىء ينفعك
بيقول انت دافع فلوس عشان الشهادة ... هوا هديلك الشهادة و مش لازم يعلمك

و دا غلط مليون % ... لان فى وقت هيجى عليك تلاقى انك دفعت الفلوس فى المكان الغلط و محتاج تعيد من الاول

اتمنى لكم التوفيق
شكرا لقراءة الموضوع

مستنى ردكم على الموضوع
ان كنتم حابين اعملكو الدليل الشامل للمراكز و برامج التدريب و غيرها
خاصه ان دا شغلى و حابب تستفيدو منه

بسم الله الرحمن الرحيم الموضوع جميل بس انابصراحه عايشه فى قريه ومش عارفه اخد قرص لغه ازاى ومش عايزه اسافر بس نفسى اخد قرص انجليزى ومش عارفه ازاى هل ممكن ده من على الكمبيوتر فى البيت ولا احفظ كلمات انجليزى طب لوحفظت كلمات احفظ كلمات الثانويه القديمه ومن الملخص وخلاص كمان لوضورت على الكمبيوتر اضور فين . انا نفسى اخد قرص كمبيوتر بس خايفه لان مش كله بينجح فيه وطبعا فى مصاريف لكل اختبار خايفه مانجحشى فيه .كمان بالنسبه للكليه خايفه منها نفسى بس انجح فيها عشان كنت بشوف ناس كتيره بياهملوا اوى فى الكليه وبينجحوا بتقدير مقبول مش عارفه اى حاجه عن الكليه ونظامها نفسى اعرف ومش عايزه اكتشف حاجه بنفسى نفسى اكون داخله عارفه نظامها امتى اذاكر هل كل الاوقات انتظم فى الكليه ويارب ادخل الكليه لوكان ربنا كتبلى انى ادخلها باذن الله يارب طب بالنسبه للكتب الكبيره اوى دى هاذاكرها ازاى ماشى فى ملخصات بس بيقولوا انها بتكون اخر السنه قرب الامتحانات طب انا هقعد طول السنه اعمل ايه طب ايه فايده المحاضرات ماانا ممكن اعتمد على الملخصات وخلاص اخر السنه طب لو مارحتش الكليه وخبت او بمعنى اصح كم عدد الايام الى المفروض اخيبها فى الكليه خايفه مالقيش اصحابى فى الكليه الى انا فيها طب لو انا عايزه اكون دكتوره فى الكليه اعمل ايه وشكرا