خاص لبتوع الفورورد ..!!!!!!
منــــــــــــــقول للفايدة
وإهداء خاص لبتوع الفورورد
هاهاها
X-(X-(X-(
ملحوظة هامة جدا:
هذه القصة غير واقعية، إنما الهدف منها السخرية من الجهل
أكرر: هذه القصة غير واقعية
كمان مره أكررعشان فيه ناس لا مؤاخذة بتتظاهر إنها تحت خط الذكاء:
هذه القصة غير واقعية
:-O:-O:-O:-O
ده نموذج (غير حقيقي ومبالغ فيه) للرسايل العقيمة
اللى إحنا كمسلمين بنتداولها الايام دي
:-P:-P:-P:-P
كان ياما كان
كان فيه راجل ملحد معادي للإسلام اسمه
" هاينزمان "
عمنا ده راح في مرة عشان يناظر أحد علماء المسلمين في القرن الثاني الهجري
ولما قابل فعلا أحد العلماء قال له بخبث ودهاء:
تعالى بقى يا شيخ لما أغلبك في مناظرة
تقدر تقول لي لما رقم اتنين قبله رقم واحد،
يبقى رقم واحد قبله رقم كام؟؟؟
قال له الشيخ بكل ثقة:
صفر
;);)
اندهش الملحد من ذكاء وعبقرية الشيخ
وقال: كيف لرجل في القرن الثاني الهجري أن يعرف هذه المعلومات
أشهد أن لا إله إلا الله
ورمى طاقية اليهود اللي كان لابسها على الارض، مع انه ملحد
ونزل على الأرض ليقبل تراب مصر عشان بلد الأزهر الشريف
والناس لما شافوه السنة اللي بعدها بيحج قالوا له:
مش انت الراجل اليهودى الملحد (مش عارف عرفوه ازاى) اللي كنت بتحارب الاسلام طول عمرك؟
قال لهم:
أنا أسلمت وغيرت اسمي لـ
" متولي هاينزمان "
:-P:-P
وبعدها اترقى لحد ما بقى الرجل الاول والاوحد في وكالة ناسا لعلوم الفضاء
واتعمل له تمثال في ميدان العباسية نظرا لدفاعه المستميت عن الاسلام
لكن الانجليز لما دخلوا مصر قالوا:
مش ده هاينزمان الرجل اليهودي الملحد اللى اسلم
ومن ساعه ما اسلم وهو مسهرنا الليل وعامل لنا رعب وقلق بدفاعه المستميت عن الاسلام
فلما جم يكسروا التمثال ... سبحان الله ... لقوا ايد التمثال اترفعت
والتمثال بيقول لهم، انا الجنى حارس التمثال
امشوا من هنا يا اولاد الـ .....
X-(X-(X-(
ومن ساعتها والناس بتروح ميدان العباسية عشان تزور مقام سيدي هاينز
والعجيب والغريب والمريب والرهيب إنهم لما صوروا قبره بالليل لاقوه بينور
والراجل اللى صور القبر
(اللى لحد دلوقتى مش عارفين هو مين)
بيحلف انه شافه منور
يا حلاوة
:">:">
وبعدين لما الامريكان حبوا يشوهوا صورة هاينز مان
عملوا كاتشب بلون الدم سموه "هاينز" في اشارة الى الارهاب والعنف والدموية فى الاسلام
شفتوا المؤامرة اللي ضد الاسلام عاملة ازاى
بعد كده الراجل صاحب فكرة الكاتشب دي لاقوه في شقته ميت محروق، مخنوق، غرقان، مضروب بالنار، مشنوق
بس كوندوليزا رايس مكتمة على الخبر
:-P:-P:-P
ودي كانت قصة متولي هاينزمان
الشخصية الاسطورية اللي اخترعها صديقي أسامة عباس
اوعى تكون مش مصدق الاعجاز العلمي الجديد ده ولا حاجة
لو مش مصدق ابعت رسالة لـ"متولي هاينزمان" على الايميل ده
metwally.heinzmann@ gmail.com
ده حتى بالأمارة الحاج أحمد حامل مفتاح الكعبة
(شخصية أسطورية برضه)
شاف "متولي هاينزمان" في المنام
وغير كده فيه واحدة اسمها فاطمة لما كان عندها الحصبة والدكاترة قالوا لها هتموتي يعني هتموتي، شافت "متولي هاينزمان" برضه في المنام
( ماهى طبعا لازم يكون اسمها فاطمة عشان تبقى ماشية مع القصة، يعني هيبقى اسمها فكيهة مثلا؟؟؟ )
وقال لها حال المسلمين مش عاجبني يافاطمة والناس بقيت وحشة اوي اوي
والحل (ومافيش حل غيره)
إنك تبعتي الرسالة اللى انا كاتبها لك
على حتة القماش دي لكل الناس
( ماهي لازم برضه تبقى قماشة، يعني هيعملها لها على ورقة "ايه فور" مثلا ؟؟؟ )
:(:(:(:(
فضلا، مش امرا ولا بالعافية
ما تخليش الرسالة دي تقف عند جهازك
ولا تخليها تقعد عند جهازك
اقول لك ... امسحها من سكات كده
او ابعتها لـ 13 شخص عشان "متولى هاينزمان" يجي لك فى المنام وهيقول لك على خبر كويس
:-/:-/
واحد ضابط بعت الرسالة دي جت له ترقية في نفس اليوم بعد 13 دقيقة وماحدش عرف موضوع الـ3 اللى كان بيعذبهم يومها
:-P:-P
وواحد تاجر اهملها وقعد يتتريق عليها
خسر كل ثورته فى 13 دقيقة
:-P:-P
واحد في هندسة عين شمس نشرها جاله امتحان الفيلد سهل جدا جدا ولقى نفسه عمال يحل كويس
وواحد زميله فى نفس السكشن اهمل الرسالة جاله امتحان الميكانيكا صعب
=((=((
واحد تاجر أدوات صحية كبير، استهزأ بيها فاتحشر في التواليت اللي في المحل عنده
>:D<>:D<
وواحد تاجر مخدرات رهيب، نشرها 1256934 مرة
فوروورد والحمد لله، صفقة الهيروين اللي
جاية له من ليبيا عدّت على خير
:D:D:D:D
انشرها يمكن تاخد ذنب حلو
او يمكن تكون تلكيكة عشان تاخد ايميل صاحبتك وتبعتها لها
بس خليها
BCC
والا مصر كلها هتعرف ايميل صاحبتك
ويا سلام بقى لو هي ترد عليك بنفس الرسالة
عشان تتطمنوا ان الحب بينكم لسه مستمر مهما كانت الظروف
:x:x
وبعدين خلى بالك من حاجة مهمة جدا
شركة هوت ميل برعاية "هاينزمان" وشركاه بقالهم 5 سنين بيقولوا ان الشركة خلاص بتفلس والخدمة هتبقى بفلوس بعد كده
الا لو انت بعت رسالة "هاينزمان" دي لـ13 شخص، ساعتها هتفضل الخدمة بالنسبة لك ببلاش
وطبعا مش لازم يقعدوا يحلفوا ان المرة دي هم صادقين، عشان الشعب المصري غلبان وبقاله 5 سنين بيصدق على طول
:->:->
أنشرها فقط لأن فيها
" لا إله إلا الله "
يعني مش مهم كل الهجص اللي مكتوب ده، المهم تنشرها عشان فيها
" لا إله إلا الله "
:D:D:D
وده كان مثال مبسط للجهل
اللى احنا عايشين فيه
ربنا يهدينا
:-O:-O
