البدر مِنْكِ اتكسف ياللي الجمال تاجك
والحسن فيكي بريئ والقلب منهاجك
أنا مش هاقول حبيت دا القلب موقوفلك
وأيه يساوي الماس ياللي الجمال عاجك
انا فيكي لحن انتنى قبل الغُنا والعزف
واتصب فيا الألم وجراحي نزفت نزف
مالكيش في جرحي ذنب انا اللي حبيتك
أرجوكي خليني اعيش قبل الممات والحذف
لو قلتلك حبيت الكلمة مش كافيه
وان قلت تيجي نعيش هتقولي مش صافيه
ماقدرش اعيش وياك انت اللي دبح القلب
وبلاش تقول حبيت الحب مش عافيه
الحب بين اتنين سكة أمل مفتوح
صعب الجراح تتشفي وانت ماليني جروح
شوفلك طريق تاني دي حياتي صبحت ألم
إزاي تقول حبيب وانت دبحت الروح
يا حبيبتي انا حبيت وجايّلك راكع
انسي اللي فات خلينا نواقع الواقع
وندوس على الأحزان نوصل لبر أمان
قولي وما تخبيش أصل المرار ناقع
