مجلس ادارة الزمالك هو عدوه الأول
بسم الله الرحمن الرحيم
طبعا مبدأيا انا اهلاوي زي ما باين كدا من بطاقة التعريف
بس بعيدا عن التعصب للحظاتــ بسيطه
سمعت امبارح خبرين اعجب من بعض
الخبر الأول بيقول
شيكابالا يتلقي عرض من نادي فرنسي ( نانت تقريبا ) مقابل 1,5 ميليون يورو سنويا
في صفقة انتقال حر
الراجل عقده يخلص في شهر 1 الجاي .. من حقه يمضي من اول شهر 7 اللي هو بعد يومين
والله لو ماسك مجلس الادارة بتاع فول و طعمية كان عرف انه لازم يحط ايدو في الأرض يجيب فلوس
صفقه مش محتاجه تفكير اصلا .. بعيدا عن ان شيكابالا يعتبر رمز من رموز الزمالك حاليا
فــ من الناحية الاستثمارية .. الراجل ده هديله بــ ايدي الايمين ميليون يورو مثلا
هاخد بالشمال 3 اضعافهم في خلال ايام
ويرجع الزمالكــ يقول مفيش فلوس !!
الخبر التاني بيقول
الزمالك أجل مزايدة الرعاية بسبب ضعف الأقبال
يا نهار ابيض دي كاارثه .. عذر أقبح من ذنب
يعني ايه نادي الزمالك يعرض حقوق الرعاية ولا يتقدم الا راعي واحد !!
ده دليل علي ان عنده ادارة تسويئ مش تسويق
ده غير ان الزمالكــ متوقع 70 مليون بس
في حين الأهلي خلصها علي 141 ميليون و بمنافسه شرسه جدا بين الشركات اللي كانت عايزه تاخدها بأي شكل !!
يعني المفروض الزمالك يجهز اللي يوصله لعرض في حدود ال 100 ميليون مش 70 !!
بعيدا عن الخبرين
في أول الموسم مجلس الأدارة اشتري لعيبة كمالة عدد
ابو كرنيه
عماد محمد
عاشور الادهم
وجيه عبدالعظيم
ده غير التعاقد مع ميدو اللي مستفادش بيه خااالص
وبطاقة دولية مجاتش و تأخير تعاقد ماشاء الله ادارة تجيب الشلل
المهم بدل ما كانو يجيبو 4 لعيبه نص كم و يبقي اسمه عامل صفقات كتير
كان جاب لعيب واحد سوبر يفيد الفريق اكتر بدل جعفر بطة ده
يريت محدش يقول كلمة ده مجلس مؤقت و فترة انتقالية و الكلام ده
انتقالية يعني يعديها علي سلام مش يجي يخربها
الزمالكــ اضاع السنه الأسهل لحصد البطولاتــ و رفع قيمته التسويقية بسبب ادارته
والله ربنا يكون في عون الزمالكــ
الزمالكــ عنده مجلس اداره هو عدوه الأول
