وأنا فى سنة أولى جرح
قال ايه كنت بشكى
وبقول نسينى الفرح
وبتالم وببكى
وياريتنى فضلت ساكت
وياريت ايامه دامت
ورضيت بنصيبى انا
شافنى الزمن زعلان
قال يااااااااااااه على الإنسان
لو يحمد ربنا
ولقيته قال خد عندك
أحزان تجيب أحزان
وكل ما اقول كفاية
ألقاه بيقول كمان
وخدنى من سنة أولى على السنة النهائية
وعملى جامعة لوحدى
وبدأ يدرس ليا الجرح والحرمان
ويعملى امتحان
اسقط يعيد من الأول
ومفيش فى قلبه حنان
وعشان يعذب فيا عمل دروس ليلية
وكل ما اضعف حبة
يعمل فصول تقوية
انجح لو شاف دموعى
وعذابى بين ضلوعى
واسقط لو شافنى بفرح
ولا بضحك شوية
وانا فى سنة اولى جرح
دورس المر عملى
مفيش ولا درس نظرى
اشرب يسقينى تانى
ويقولى دا لسه بدرى
مفيش ولا ساعة راحة
وقالهالى بصراحة
ولا يوم هتنام عنيا
ولا هفرح يوم فى عمرى
وأنا فى سنة أولى جرح
