قول لنفسك مين منافق
احنا ع الطبيعه نهر دافق
احرار بنختار لجل البلد
انته حر لو مش موافق
ارجع لربك انته بس
نضف الغل اللى فيك
ارجع لربك يمكن يرضى
ف يوم عليك
متتهمش الناس بزور
الدنيا بور
وازاى هتطرح
وانته مش حاطط بذور
عامل بلطجى معذور
مانته معدوم
كاره تعيش ف النور
حابب تعيش على دم الغلابه
وحلمهم مكسور
حابب تبيع نفسك
للى يدفع لك
وتعشق شهاده الزور
اللى بيموت خواته يبقى طور
بلاش غرور
ارجع لربك دا ربنا هو الغفور
جوانا ايه
ربنا بس اللى يعلم
وكل شىء مستور
ارجع لربك هى لحظه
وبعدها تسكن قبور
لا هينفعك سين ولا عين
تقدم الطيب
عند ربك ذنبك باذن الله مغفور
تعمل خير تلاقى خير
اضعاف مضاعفه
وتنعم بقرب الحور
بتعمل شر ارجع لربك
وسارع ترمم المكسور
سارع لغفرانه واندم على ذنبك
يرضى عليك ربك
تعيش فى النور
اوعاك فى يوم باى حد
تسىء ظنك
حب ربك حب نفسك
حب غيرك دا الحب فن
لو مره انسان ينسى ربه
يبقى اكيد انجن
دبور وظن
يخرب حياته واخرته
وتضيع بايده فرصته
فى المغفره من صاحب المن
بلاش نفاق
ولا بلطجه
ارجع لربك بقه وانكن
دانته ميت لا محاله
وملوش جيب الكفن
ميت هياكلك دود
بعد ما يصيبك عفن
