سالنى ابنى يعنى ايه كلمه شهيد

يا بابا ممكن اسالك
اسال حبيبى
هو يا بابا كلنا بنموت
طبعا حبيبى
سبحان الحى الذى لايموت
سبحانه الدايم مالك الملكوت
طبعا حبيبى كلنا بنموت
بابا كنت عاوز ابقى زيك
لكنك يا بابا هتموت
وماما كمان هتموت
يا بابا مش عاوز ابقى طبيب
اصل الطبيب هيموت
ولا عاوز ابقى مهندس
علشان كمان هيموت
ولا سباح ولا ملاح ولا فلاح
ولا نجار ولا بايع لحوم وخضار
ولا سواق على الجرار
انا عاوز ابقى م الثوار
انا عاوز ابقى م الاخيار
ومش عاوز اكون ريس ولا طيار
ولا عاوز اكون قوال وانظم الاشعار
انا عاوز اشوف ربى
واكون خادم ف فردوسه
ومش عاوز اروح النار
محدش تانى يختار لى انا حر انا اختار
لازم ليلى يكون له نهار
انا نبت الاسود مش فار
مش هسكت يا بابا زيك وهتحمل
انا مش هقبل العار
انا نفسى لما اكبر ابقى شهيد
يابابا ولو مش ممكن
هربى ابنى يبقى شهيد
وتبقى كل امنيتى وحلمى الوحيد
ابقى شهيد
ياريت يا بابا ابقى شهيد

كلمات حلوى اوى
وشعر رااااااااائع
فكرة جميله اوى

اطلاله رائعه
وفكره متميزه
بات قلمك للقلوب معلم
وبين السطور لحن
وميض فى سماء
وقنديل بين النجوم
لك المعانى والعبر
وحسن الانتقاء
فادام الله عليك
وهجك
وبديع افكارك
استاذى القدير
وقفت احتراماً
لجلال الكلمات
فعاودت قراءتها
واستمتعت بحسن اللحن
لك منى اطيب الامنيات
وبالتوفيق