عرض للطباعة
سمعت عنك كتير
إنتى فين
قالوا لى كنتى حلوة
وانتى لسه صغيرة
وأنا شايف صورة باهتة متعكرة
بجد صورة باهتة
صحيح كنتى حلوة
وأنتى لسة صغيرة
فاكرة
فاكرة اللون الخمرى الجميل
والشعر بلون الشمس
ساعة الأصيل
وفى عينيك راحة البال
وفى قلبك الزرع الأخضر
وحوالين عينيك يحميها
جريد النخيل
سمعت عنك كتير
سمعت إنك حرة
بتقولى لأ للى جاى يمسك ايديك
بدون حق وبتقولى برة
من أول الهكسوس
والرومان اسكندر
ونابليون
مقدرش على مهرك
والتراكوة والإنجليز
طمعوا فى نسبك
كنتى حلوة وإنتى لسة صغيرة
لونك خمرى جميل
وشعرك بلون الشمس ساعة الأصيل
وحوالين عينيك
يحميها جريد النخيل !!!
هو فين ؟!!
تصدقى
باعوا نخيلك
ولادك
من ترابك
باعوا قلب النخيل
لمين ؟!
ليه ؟
مين
إسرائيل
ليه بيستخدموه فى طقوس صلاتهم
مالك سكتى ليه
شيلى ايدك من على خدك
وكمان باعوا الأرض
اللى فوقها النخيل
ويقولوا حق انتفاع
ياااااااااااه الحق ضاع
صنتِ نفسك طول العمر
وانتى صبية فى شبابك
ولما كبرتى إنحنى ظهرك
وفرط فى شرفك ولادك
سمعت عنك كتير
باعوا قلب النخيل
قلب ارتوى بالدم
دم عشرين ألف شهيد
سمعت عنك كتير
كنتى حلوة
كنتى ! ! !
حكوا لى عن حلاوتك
اسمعي حكاوى
كلابك !
أكياس الدم
الفاسدة لمرضى
الحالات الحرجة
نقول ايه
يمكن
كانوا محتاجين
يمكن فى زنقة !!!
طيب اسمعى يا ستى
سمعتى عن العبارة
اللى غرقت
الســـــــــلام
يا سلام
حرام
حرام
حرام
؟؟؟!!!
الفين قتيل
من شبابك
من ولادك
جايين شاربين المر وضاعت حياتهم
وضاع معاها شقى السنين
وأهلهم مفطور قلوبهم
بالحزن والأنين
يخدوا تعويضات بالغصب
ويتنازلوا عن القضايا مجبرين
ليه بتبكى
بتقولى كفاية لأ
لازم تسمعى
الليل طويل
قد ليل الغرقانين
اللى ماتوا
من الخوف
والهلع
والذعر بين
ظلمة الليل والبحر
مرعوبين
ليل بطول آلاف السنين
سكتى ليه
ما تردى يا اختى
دا زنب مين؟
يغيروا الدستور !! هه
يغيروا الجمهور
واللاعبين
مابيتغيروا مسنودين
اللى بن (عـــــز )
واللى فرحان ( بجماله )
وكلنها ولعة
واللى مسيطر
على الأراضى
واللى وكالها بالرشاوى
والبنوك والقروض
صدقينى دول ملوك
كتير كتير
ما تخديش فى بالك
كنتى حلوة وانتى لسة صغيرة
كان نفسك أحبك
بس يا خسارة
سمعت عنك كتير
قالوا ما كان فى حد فى جمالها
وفى سحـــــــــــــرها
واللى يشرب من نيلها
لازم فى يوم
يرجعلهـــــــــا
سمعت عنك كتير
كان نفسى أحبك
تعرفى بحب بنتك
بس يا خسارة
غالى على مهرها
صحيح كنتى حلوة
وانتى لسة صغيرة
كان نفسى أحبك
وأعشق ترابك
تعرفى كرهت اسمك
تيجى نتفق
غيريـــــه
غيرى اسمك
سبينى أختاره وأختارك
ما بحبش اسمك
بس بحبك انتى
يعنى ايه ؟؟!!
انتى أهلى
انتى أمى وأبويا
أنتى أختى وأخويا
انت خالى وعمى
على الله تكون فهمتى
ما بحبش أبو الهول والآثار
بحب أصحابى
ساعة الجد والهزار
بحب الصيد من نيلك
ساعة العصارى
بحب لون الشمس
ساعة المغربية
بحب جيرانى
ودفعتى فى الجيش والكلية
بحب لون الزرع الأخضر
بحب لون الــــورد
لما ينزل عليه المطر
فهمتى ولا ايه
صدقينى بحبك
وبعشق ترابك
ونفسي أشد ظهرك
فى انكســـــارك
وترجعي
صبية حلوة
زى ماكنتى
حلوة وانتى لسة صغيرة
تيـــــمــــــور
جدااااااااااااااااااااا كلام جميل
بصراحة روعه وممتع ويدل على عمق الاحساس بالكلمات
تسلم الايادى يا رب
اقتباس:
فاكرة اللون الخمرى الجميل
والشعر بلون الشمس
ساعة الأصيل
وفى عينيك راحة البال
وفى قلبك الزرع الأخضر
وحوالين عينيك يحميها
جريد النخيل
سمعت عنك كتير
سمعت إنك حرة
بتقولى لأ للى جاى يمسك ايديك
بدون حق وبتقولى برة
من أول الهكسوس
والرومان اسكندر
ونابليون
مقدرش على مهرك
والتراكوة والإنجليز
طمعوا فى نسبك
جدااااااااااااااااااااا كلام جميل
بصراحة روعه وممتع ويدل على عمق الاحساس بالكلمات
تسلم الايادى يا رب
اقتباس:
فاكرة اللون الخمرى الجميل
والشعر بلون الشمس
ساعة الأصيل
وفى عينيك راحة البال
وفى قلبك الزرع الأخضر
وحوالين عينيك يحميها
جريد النخيل
سمعت عنك كتير
سمعت إنك حرة
بتقولى لأ للى جاى يمسك ايديك
بدون حق وبتقولى برة
من أول الهكسوس
والرومان اسكندر
ونابليون
مقدرش على مهرك
والتراكوة والإنجليز
طمعوا فى نسبك
تسلم الايادى ياتيمو كلام كتير حلو بجد مشكور
كلمات جميلة جدااااااااااااااااا مشكور على الشعور الحلووالرائع تيمور
كلمات جميله اوى ياتيمرو
شكرآ على الموضوع الجمبل
مشكووووووووووور
أقسم بربي أنني سعدت جداً بهذه الكلمات والمداخلات اللطيفة
شكراً لكم جميعاً
تيمور