سبحان مغير الاحوال جبابره يتحولوا اطفال

سبحان مغير الاحوال
جبابره يتحولوا لاطفال
كان محدش زيهم
ولاكان حد ف وضعهم
حرقوا امهم
باعوا امهم
سرقوا امهم
موتوا ناسهم ولا همهم
جمع المال كان همهم
والله مهما يعيطوا
مش هنرحم دمعهم
اللهى يحرق دمهم
دلوقتى بيبكوا زى العيال
سبحان مغير الاحوال
جبابره يتحولوا اطفال
اللى ما يتسمى
انكر ان له فلوس
ولجل حظه اللى كان منحوس
تفضحه الجارديان
وتقول رصيده فى البنوك
رصيد سايل وكمان صكوك
620 مليار
يا حرقتى والنار
يادى المرار
والله جد مش هزار
دا حتى عاب فيكى ياامه
مفكرش يوم ف الاعتذار
قال بعت توكيل يوصى
بممتلكاته للجمعيات الخيريه
يا عينك القويه
منك لله يا شيخ انته عار ع العسكريه
منك لله يا شيخ
مصرنا ف ايدك كانت هفيه
اااه يابن المفتريه
مليارات
واحنا مش لاقيين وظايف
ولا حق فول ولا طعميه
مش هنبكى يوم عليك
لكن هندعى يجحمك
ولا يرحمك
مطرح ما رحت
مصرنا دى مش غبيه
وهنجيب فلوسنا بأذن الله
وهنبنى مصر
وانته ميت مالكش ديه
يا اخى اخنقك
اديلك بنيه
وكمان روسيه
او اعمل لك مقلب حراميه
يا عديم الانسانيه
ربنا يخدك يا شيخ
انته وعصابتك
وتموت هفيه
زى ما بعت الصبيه
منك لله يا شيخ
اللهى ما يرحمك
عايش وميت
زى ما بعت القضيه
ووضعنا من تانى مال
سبحان مغير الاحوال
جبابره يتحولوا اطفال