بسم الله و الحمد لله
و الصلاة و السلام على حضرة سيدنا رسول الله
و بعد
السادة الكرام أعضاء المنتدى الرائع مصراوى كافيه
أوجه رسائل الشكر للرائع الفاضل صاحب الكافيه
و لمن كان له الفضل فى انشاء ذلك الصرح الهائل
كى لا أطيل
أنا صحيح مش بكون موجود فى الكافيه لفترت طويلة باستمرار
لكن باكون متابع حتى و لو من بعيد اللى بيحصل
لكن اللى انا شايفه دلوقتى إن المنتدى مش زى الأول
مش زى زمان ... والله العظيم الذى لا إله غيره
لو الحال استمر على كده ..أنا بجد هحس بإن طيف ماتت
لا حول و لا قوة إلا بالله
ياترى إيه اللى بيحصل .. كل ما الواحد يتعلق بحاجة يحسها جميلة
تتطلع هيا كمان ******
و ايه الموضه اللى طلعت ف الكافيه تحت عنوان تسجيل خروج نهائى
أنا لا أقصد الاهانة لأى شخص مهما كان
لكن يا ترى حضرتك بعد ما قعدت الفترة دى كلها هنا هتسيبنا و تمشى
و يعنى ايه خروج نهائى .. يعنى حتى حضرتك مش هتكلف نفسك و تدخل على
المنتدى تانى
للدرجة دى
عموما ..أنا ماعرفش الظروف
لكن حضرتك كان لازم تفكر ألف مرة
فى إنك تعلق بالشكل ده بعد الفترة دى
و عموما إحنا بيك أو من غيرك هنكمل
لإن إحنا أجتمعنا فى حب الله
علشان كده ربنا دايما هيجمعنا
ناهيك عن حاجات كتير جدا
تخليك تفكر ألف مرة
أنك حتى تسيبنا و لو ليوم واحد
استغفر الله العظيم و أتوب اليه
استغفر الله العظيم و أتوب اليه
استغفر الله العظيم و أتوب اليه
أنا مش عاوز أتكلم تانى
لإنى ف حالة مش تمام
على العموم الحمد لله رب العالمين
و التعليم دايما بيكون مش سهل
اللهم صلى و سلم وبارك على حضرة سيدنا محمد النبى الأمى المبارك
