حدث بالفعل قصة واحد معضوض

قصة جميلة حدثت بالفعل كان ضحخيتها اسماعيل اللى اتعض واخد فيها فؤاد نجم ست شهور حبس مع انه مجابش سيرة ام كلثوم

الموضوع ان مدرس من الصعيد اسمه اسماعيل راحج يتمشى فى الزمالك - رجله اخدته على النيل جنب قصر ابو الفدا بتاع ام كلثوم والمعروف ان ام كلثوم مخلفتش وانها كان مربية كلب
اللى حصل ان كلب ام كلثوم عض صاحبنا اسماعيل ونشوف مع بعض ايه اللى حصل............





فى الزمالك من سنين
وف حما النيل القديم
قصر من عصر اليمين
ملك واحده من الحريم
صيتها أكثر من الأدان
يسمعوه المسلمين
والتتر والتركمان
والهنود والمنبوذين
********
ست فاقت ع الرجال
فى المقام والاحترام
صيت وشهره وتل مال
يعنى فى غاية التمام
قصره يعنى هى كلمه
ليها كلمه فى الحكومه ( يقصد ام كلثوم )
بس ربك لجل حكمه
قام حرمها م الأمومه
والأمومه طبع ثابت
جوه حوا من زمان
تعمل ايه الست
جابت
فوكس رومى وله ودان
********
فوكس ده عقبال أملتك
عنده دستة خدامين
يعنى مش موجود فى عيلتك
شخص زيه يا اسماعين
********
واسماعين ده يبقى واحد
م الجماعه التعبانين
اللى داخوا فى المعاهد
والمدارس من سنين
********
حب يعمل واد فكاكه
يمشى حبه فى الزمالك
والقيامه والفتاكه
يرموا طبعا ع المهالك
********
عم سمعه من قيامته
حب يعمل فيها فله
بعد ما ألوظ بيجامته
اشترى حته مجله
قول مشى بيقرا فى حكايه
من حكايات الغرام
واندماجه فى القرايه
خلا مشيه مش تمام

ع اليمين يحدف بعيد
خطوتين يروح شمال
لمحه فوكس من الحديد
قال دا صيد سهل حلال
هب نط فى كرشه دوغرى
جاب بيجامته لحد ديلها
اسماعين بدل ما يجرى
قال يا رجلى
رجلى مالها؟
بص شاف الدم سايح
من عاليها من واطيها
وياللى جاى
وياللى رايح
المجله مش لاقيها
*******
حبه واتلموا الظنايا
اللى هما البوابين
والحكايه والروايه
قال لهم
دا كلب مين
*******
كلب مين
ما كلب مينشى
سمعه لبخ حبتين
قال له واحد منهم
امشى
اللى جابك عنده مين؟
قال دا شارع يا مواشى
والجميع بيمر منه
اللى راكب
اللى ماشى
مستحيل نستغنى عنه
********
كلمه من دا
وكلمه من دا
ظاطوا واترسمت فضيحه
قول نهايته
القصد من دا
اسماعين أكل الطريحه
********
راحوا قسم الشرطة طبعا
والنيابه كفيله بيهم
واترموا فى الحجز جمعا
لما ييجى الدور عليهم
********
حبه والشويش أمين
قال سعيد النقشبندى
قام غريم عم اسماعين
:قال له محسوبك يفندم
قام سى سمعه يروح معاه[IMG]http://www.*************/smile1/jap.gif[/IMG]
الشاويش قال : غور بدمك
راح تعوصنى
وفوق قفاه كف طرقع
داهيه ف أمك
تفتكر يفضل سى سمعه
قد ايه فى القسم نايم؟
اسضافة الحجز جمعه
يا بلاش
آدى العزايم ...[IMG]http://www.*************/smile1/53.gif[/IMG]
*****
شاف بلاوى ما تتحكيش[IMG]http://www.*************/smile1/0.gif[/IMG]
م الديابه المسجونين
قال ياعالم
يا شاويش
يا نيابه
يامسئولين[IMG]http://www.*************/smile1/42.gif[/IMG]
خلصوه بعد المناهده
جثه من حجر الديابه
هى يمكن ساعه واحده
كان فى مكتب النيابه
قال له مالك يااسماعين
قال له زى البمب مالى؟!!
قال له عضك فوكس فين
قال له سيبنى اروح لحالى
انت شوف سى فوكس يمكن
خد تسمم
غصب عنى
الوكيل قال برضه يمكن !!![IMG]http://www.*************/images/smile2/detective2.gif[/IMG]
والشاويش
قعد يغنى[IMG]http://www.*************/smile1/oh.gif[/IMG]
*****
انت فين والكلب فين
انت قده يا اسماعين
طب دا كلب الست يابني وانت تطلع ابن مين
بشرى لصحاب الديول واللي له اربع رجول
بشرى لا سيادنا البهايم من جمايس او عجول
اللي صاحبه ياجماعه له غناوي في الاذاعه -( على الكلب)
راح يدوس فوق الغلابه والنيابه بالتباعه
انت تسوى في النيابه تسعميه م الغلابه
طب ياريت يافوكس كنا ولا تربطنا القرابه
هيص ياكلب الست هيص لك مقامك في البوليس
بكره تتولف وزاره للكلاب ياخدوك رئيس