فعلا الدنيا لسه بخير ..!!
كلنا فاكرين مأساة عبارة السلام 98
المأساة اللي راح ضحيتها اكتر من 2000 بني ادمن
وكلنا عيشنا المأساة دي وتابعناها
انهارده بتاريخ 27/7/2008 صدر الحكم ضد المتهمين في القضية دي
والغريب والمدهش
ان في خمسه من المتهمين في القضية دي خدوا براءه
منهم ممدوح اسماعيل الملياردير صاحب العباره نفسها
فعلا الدنيا لسه بخير ..!!
واحد مسؤال عن غرق اكتر من 2000 شخص
منهم اطفال فقدت امهم وابوهم
ومسنين ملقوش طوق نجاه
ياخد براءه بالبساطة دي ؟؟
مش هتكلم عن الضحايا لاننا كلنا سمعنا عنهم
ومش هتكلم عن اسباب المأساة لان كلنا عارفين وجوه التقصير
بس هو سؤال بيلح عليا
احنا رايحين على فين؟؟!!
