الشعب يريد أسقاط الذنوب
اه مش تستغربوا من كلامى أكيد اى حاجه حابين تبقى صح لازم تبقى من جوانا
اه كل واحد فينا عنده ذنوب وأنا أول واحده فيكم محدش فينا ملاك
...
طيب يلا بقى كل واحد فينا يمسك مرايه ويتفرج على قلبه ياترى يرضيك اللى أنت فيه
ياترى قلبك معلق بالدنيا ولا قلبك معلق بالعمل إلى الاخره
ياترى قلبك معلق بالمعاصى ولا قلبك معلق فى التوبه والندم على المعاصى
ياترى قلبك معلق بكره والحقد على الناس ولا معلق بنشر الحب بين الناس
ياترى قلبك اى نوع من الاصناف دى
لازم نتغير من جوانا لان الجوهر أهم كتير من الشكل الخارجى
ياترى هتستغل الفرصه ولاناوى تضيعها أكيد هتقولى فرصه أيه
أكيد طالما بتقرأ الكلام ده دلوقتى يبقى ربنا أعطاك فرصه الشهر الكريم
اه فرصه فرصه تتوب وتستغل الشهر العظيم ده بكل ما فيه من عبر
محدش فينا ضامن هيعيش أد أيه يلا نبدأ
صفحه جديده مع قلوبنا
صفحه جديده مع ربنا
صفحه جديده فى حياتنا
صفحه جديده مع أهلنا مع الجيران مع الأصحاب مع الأقارب
صفحه جديده مع النفس
بلاش تضيع الوقت لأن الوقت دايما بيمر بسرعه أحنا لسه فى أول يوم
بلاش يعدى الوقت ونقول خساره حاول على أد ما تقدر تخلى كل دقيقه فى حياتك طاعه
يلا بينا بقى أنا رغيت كتير أنهارده
يلا نقوم كلنا نجدد النيه يلا نتوضأ ونحسن الوضوء
يلا كلنا نرفع أيدينا فى جوف الليل ونحكى كل اللى فى قلوبنا للرحمن الرحيم
كلنا ندعى بقلوب صافيه كلها يقين بالأجابه
يلا أحباب الرحمن نصلى قيام الليل
"إن كنت حقاً تريد الإستقامة ....... فهذا هو بابها "
إنه قيام الليل ... يحل لك كل هذا و لا تعجب . فألزم ساقيك فى الليل المحراب ، فإنه للإستقامة باب
قال الحسن البصري :" ما أعلم شيئاً يتقرب به المتقربون إلى الله أفضل من قيام العبد فى جوف الليل إلى الصلاة
يــــــــــــــــــــــار ب أعتق رقابنا من النار
للامانه منقووووووووووووول
