كيف تكسب عمرك
دورة الأستعداد لرمضان
زى ما كنا بنعمل معسكر مذاكرة قبل الأمتحانات
زى ماكل حاجة مهمه فى حياتنا محتاجة استعداد
تعالوا نستعد لرمضان
عشان رمضان هو اهم شهر فى حياتنا
هو الشهر اللى ممكن فيه يتغفر لنا
هو الشهر اللى ممكن نترحم فيه
وهو الشهر اللى ممكن تعتق فيه رقابنا من النار
وأوعى تفكر إن لسه بدرى..لأ..صدقنى..ده الوقت سرقنا...ده ممكن كمان مايبقاش فيه وقتعارف ليه...عشان الصحابة كانوا بيستعدوا قبلها بستة أشهر
والشهر اللى قبل رمضان هو الشهر اللى قبل الأمتحانات..يعنى اللى ناوى أنه يعدى فى رمضان يبقى لازم يظبط حاله فى شعبان
عن ابى هريرة رضى الله عنه قال إن هذا الشهر(يعنى رمضان) غنيمة يكتب الله بركته ورحمته لمن شاء من عباده قبل أن يدخله
ويكتب الله أصره وشقاءه على من شاء من عباده قبل أن يدخله
شايفين...يعنى القصة كلها مش فى رمضان..القصة من قبل ماتدخل رمضان
لازم أفضل شهر ليك فى السنة بعد رمضان يكون شعبان...عشان الشهر ده هو شهر الجرد..شهر تقفيل السنة الحسابية
شهر ترفع فيه الأعمال إلى الله
لازم تدخل شعبان وانته حاسس إن فيه حاجه مهمه أوى ..وخطيرة أوى أوى بتقرب عليك
أخطر من الثانوية العامة..أخطر من البكالوريوس
أخطر من كل حاجةلازم ندور الموتور ونسخنه..لازم نلين المفاصل اللى اتخشبت من قلة القيام..لازم نسنفر القلوب المصدية من كتر المعاصى
ياجماعة لو دخلنا رمضان كده هنضيع
فلاش باك
تخيل معى..أنهاردة 30رمضان...آخر صلاة تراويح الأمام بيدعو اللهم أعد علينا رمضان سنوات عديدة
اللهم إنا على فراق رمضان لمحزونون
اللهم لاتهون الفراق
ولاتطفأ الأشواقيصلى فى آخر صلاة فجر..شهر رمضان الذى أنزل فيه القرآن..والناس تجهش بالبكاء
وأنت تقول آه لو تعود يارمضان
آه لو كنت أحسنت استغلاله
يا ريت لو يرجع بيه الزمان لشعبان عشان أستعد..
عدناااااااااااااااااااااا ااااااااااااااااااااااااا اا
احنا دلوقتى فى شعبان..واقف ليه قوم اتحرك
الأذان بيأذن..خف نفسك وأتوضا وانزل المسجد..مفيش حاجه اسمها صلاة فى البيت
هنصوم اتنين وخميس عشان نتعود ومانتعبش فى رمضان
ياعم فين المصحف..طلعه من درج المكتب وامسح التراب اللى عليه..ولا أقولك...هات واحد جديد أحسن.. عشان نبدأ
السنة الجديدة بحاجات جديدة...لازم أعود نفسى إنى أخلص جزء فى اليوم...عشان لما ييجى رمضان ما اتعبش من أول تلت أجزاء
وأبقى عمال أعيط ومش عارف أكمل خاتمة مفيش خروجات بعد العشا..عايز أنام بدرى عشان اقوم الفجر
همه يادوب ركعتين طوال شوية عشان نسخن لقيام الليل
وقبل كل ده لازم تفتكر إن الشهر ده..شهر شعبان..هو اللى يترفع فيه عملك لله...بالله عليك دى مناظر أعمال تترفع لربنا
دى حاجه تكسف..لازم نغسل الذنوب دى بشوية حسنات تنفعنا وماتخليش ربنا يغضب علينا
وفى النهاية لازم تفتكر إن فى ناس كتير حضرت شعبان وملحقتش رمضان
عشان كده أدعى من قلبك وقول
اللهم بلغنا رمضان
