قلبى خلاص فاض بيه
وانتهى الموضوع
وانته قلبك زى دبشه
فيها الصدى منقوع
احبك بصدق
واديك كل شىء
وفجأ ه تخون
ولايوم تصون
وعليك اهون
اعيش سنين مخدوع
عايزنى اسامحك لا يمكن
ابكى لو عنيك دموع
يمكن تطهر مشاعرك وقلبك المخلوع
لكن قلبى حر
ميقدهوش ضلوع
لكنك صراع خداع ظما وجوع
ثوره بلدنا علمتنى
اقول بصوت مسموع
معدتش بحبك معدتش
راح ابكى واقيد فى بعادك شموع
قلبى مسيره للى يستاهله
هوهبه من غير رجوع
وشمسى عمرها ما تختفى
وكل يوم هتبدا فى السطوع
الحب الحقيقى
شىء واحد اصيل
ملهوش فروع
وانا قلبى صافى
مليان بحب كما الينبوع
ولاعمرى هخجل من نفسى
لانى صادق وفى
وهيفضل حبى شامخ عزيز مرفوع
معدتش عايز اسمع
منش محتاج دفوع
يا اما حب يا اما حب
واى معنى تانى
يبقى هزيل مقطوع
ابكى لو فى عنيك دموع
