ياه من زمان اوى والواحد نسى الكلمه دى يلا اهى كانت ايام تعالو نشوف جزء من اذاعة مدرسيه
أبطال القصة
1- kalapala
2- safaa2010
3- gaagoor
صفاء مسئولة عن اخر الاخبار ( مثقفة من يومها )
اما جاجور قال انا هقول حتة شعر إنما إيه من تأليفى (يا خوفى من تأليفك) ده بيكتب اسمه بالعافية وشكله هيودينا فى داهية
اما البرنس كالابالا قال سيبونا ناخد فرصتنا أنا هقول شوية أمثال
تسيب للواحد بصمة فى المدرسة ( بصمة ماشى يا عم )
الأخبــــــــار (لصفاء)
1- تأكد غياب الشمندى (نجم خط دفاع المنتخب)عن لقاء الفريق مع نظيره الأرجنتينى وذلك لتزامن ميعاد المبارة مع موسم جنى القطن !!
2- (واجب عزاء ) وفاة والدة مدرس التاريخ بالمدرسة المجاورة والدفنة اليوم بعد مسلسل كفر عسكر !!!
3- صدور اخر البومات المطرب الشعبى الشهير أسامة الجاحظ
طبعا الحاجة صفاء لسه ما كملتش الاخبار ولقت نظرة صارمة من الست الناظرة وقالتلها دورك انتهى واسبقينى على حجرة المدير
جه دور المعلم جاجور
الشعــــــــر
شبشـــب حمـــامى اتســـــرق
شبشب حمامى اتسرق
ومسحت دمعى بمنديل ورق
وكنت خايف وكلى قلق
وهقولها تانى على الملأ
شبشب حمامى اتسرق
ومش انا اللى شبشبى ينسرق
وقلبى عليه ينحرق
شبشبى كان ماركة البطريق
وكنت بمشى بيه فى اى طريق
شبشب حمامى اتسرق
وتارى وهاخده بايديا
علشان شبشبى غالى عليا
ومش هقبل من حد دية
علشان ما أطمعش حد فيا
بالسلاح هاخد تارى
حتى ولو كان من جارى
شبشب وارثه من جدودى
هيثم ومودى وبودى
مش ممكن اضيع مجهود جدودى
وخاصة جدى بودى
شبشب حمامى اتسرق
هههههه بمجرد ما المعلم خلص القصيدة لقى قفا محترم نازل عليه
وقاله عارف زميلتك راحت فين وراها يا حبوب علشان نشوف شبشبك اللى اتسرق ده هههه
وسع للكبير اوووى كالابالا جهزت الامثال يا كالابالا
قالى كله فى الكليتش هههه (صايع اوى الواد ده )
وبدأ المعلم يسمعنا حكمه وامثاله
الأمثـــــال
1- جرى الحمار طول النهار يجيبه الباجور فى ساعة
2- عاكس الوحشة ينوبك فيها ثواب
وكالعادة المعلم ده بقى لسه ما خلصش فقرته ولقيو نفسهم بالكامل فى حجرة المدير واجتماع مغلق غير معروف العواقب
وذكرياااات من زمن فااااات مع الاذاعة المدرسية
