http://t0.gstatic.com/images?q=tbn:A...6fBUhCMhL861bI
ليه يابحر اسكندريه؟!
لمّا قالّى يابنتى لازم يبقى حبك كله ليا
ياحبيبتى ظلمت قلبك لمّا سبتك
ويا أمك تهضموا الأحزان وتشكوا
من عذاب الدنيا ديا
ليه يابحر اسكندريه؟!
خدته منى وهو ناوى يعوّض الأيام دهيّا
ليه بتجرح قلب نازف
عمره خايف
واما جانى وقال هضمِّك..تقتله وقدام عنيا
يابا ليه دلوقتى بس بتفتكرنى
قولت يلا نروح لشط الشوق نغنّى
قولت يلا نصالح الدنيا البهيّه
كنت لسه يابويا نازل تخطف الفرحه لعيونى
كنت حاسه بإن كل الناس قصادى بيحسدونى
من بداية اللحظه ديا
صورتى وياك لمّا وقعت وانت بتورينى ليها
وانت بتفكرها بيا وبتفكرنى يابويا بيها
ولسه كنت بمّد إيدى لما طمعت فيها موجه بسرعه جايه
قوم صرخت وقولت صورتك ياحبيبتى لما كنتى لسه بيبى
وقومت نازل لما كنت بنادى إرجع ياحبيبى
وقولت راجع
كنت لسه ساعتها سامع
دقة القلب اللى طول العمر راكع
يدعى لو ترجع تحّن وتشترينى
أه ياعينى
آه ياجرحى وياعذابى وطول سنينى
اختفيت وانا صوتى راح من طول ندايا
واختفت وياك سمايا
أرضى تحت الرجل دابت والدموع علّت بكايا
مش باقيلى إلا صورتك ياحبيبى ف قلب مَيّه
مش باقيلى الا ذكرى وجرح نازف م الأسيه
مش باقيلى غير سؤال من غير إجابه
ليه يابحر اسكندريه؟!
