ياما على بعـدك صبـرت وتألمـت
وياما على فرقاك كثـرت جروحـي
وياما سهرت الليـل كلـه ولانمـت
اسامر القمـرا وصـدري يفوحـي
وياما من همومي شقيت وتحطمـت
وأغني الطـاروق والنـاس توحـي
وأرسم من القيفان وابهن ترسمـت
أسلـي الخاطـر بقـافٍ طموحـي
ولاهو فرح لامن ضحكت وتبسمـت
أحـاول بسـد الشقـا مايبوحـي
بالخافـي اللـي هدنـي ماتكلمـت
أخفي المكنـون وأبـدي مزوحـي
وياما على درب الامل طحت ماقمت
ماعاد ينفـع لـو مطبـه يزوحـي
ياللي شغلت القلب للقلـب لازمـت
محبتـك متـسلله روح روحــي
بين الحنايـا والمعاليـق سلهمـت
وبغيابـك المعـذور قلبـي ينوحـي
انا اشهد أني مـن فراقـك تهدمـت
وأصبح لي بساحات الاحزان ضوحي
بنيـت للآمـال صـرح وتوهمـت
وحاصرني الواقع بجيـشٍ ردوحـي
وهذا هو المكتـوب لجلـه تفهمـت
عزمت نفسي لو شقاهـا يسوحـي
حسبي على اللي بيننا صار له غمت
فرَق خواطرنـا وهـدم صروحـي
منساك ياللي من رحيلـك تشعمـت
وبلف بالذكرى الجميلـه جروحـي
بعيش في ذكراك مادمـت مادمـت
وأشكي على مرسل محمد ونوحـي
ثم اشتكي بالشعر وأصافح الصمـت
هذا النصيب وماكتب لـي بلوحـي
لازم أعايـش واقعـي لـو تألمـت
وعسى الله يوفقك يـاروح روحـي
