عيونك يا بعد عمري هلاك **** جمال الكون رشفه من سواقيهــــــا
تلومونا إذا قلنــــــــا ملاك **** حلاوه في بشرنا ما نلاقيهـــــــــــــا
حسدت الشمس يوم انها تراك**** تصبّح ذا الحلا من راس عاليهـــــا
يليت الروح نجمه في سماك **** يشعّ الشوق ومضه من محانيهـــا
أبي قربك وأحلم في لقـــــاك **** وروحي لا شكت خفقك يداويهــا
تقول:اقرب!ولا تبعد هنــــــاك **** وحقق بالوصـــــــل أحلى أمانيها
تطير الروح يا قلبي معـــــــاك **** وتفضح شوقها نغمة أغانيهـــــــا
قوية عزمِ لكن في جفــــــــاك**** يجيب الخوف عاليها لواطيهـــــــــا
إذا قلبي تعنّى لك وجـــــــــاك **** ودقّ الباب في ظلمة لياليهــــــــا
رجيتك لا تردّه عن هــــــــــواك **** عَطَهْ لحظه! ولو شحّت ثوانيهـــــا
متى اروي شفاتي من شفــاك**** واذوق الشهد يقطــر من مثانيها؟
واخلّي العين تسرح في حلاك**** واشمّ الورد يزهر في مغانيهــــــا؟
عشقتك إنت..ما أبغى سواك **** وعِفت البِيض ما هَمْنى غوانيهــــا
إذا نلتك ترى الدنيا فـــــــــداك **** كفايه شوفتك.. عنّي تكفّيهــــــــا
