عينيك الوفيه عمرها م تخون
عينيك الوفيه
عمرها م تخون
خلينى ابص فى عنيكى
عشان اعرف مين اكون
كان روميو
وكان عنتر مع المجنون
تلاميذ فى مدرستى
وانا المستر
وانا الناظر
ومنهجهم فى معشوقهم
وضعف الشوق على شوقهم
كانت ذره من اللى فيه مكنون
حياتى فدا نظره فدا بسمه
تكون سعيده ومبتسمه
ولحظه لقيتك عندى
بعمرى عمرها متهون
انا حبك دا ادمانى
مليش غيرك حبيب تانى
عيونك هى عنوانى
وشمس النور ف بستانى
ياقلبى ونبض شريانى
انا اللى بجد مجنون
بحبك قد ما فى الكون
مهما نعانى من اشواك
ولو حطوا مابينا اسوار من الاسلاك
ومهما يعملوا بينا
قسما بربى انا بهواك
انا بحار فى بحر هواك
بحبك قد ملء الكون
مع الافلاك
بحبك ومهما يعملوا فيه
ولو قطعوا قلبى انا ما انساك
ولا اقدر فى يوم اسلاك
ولو جوه بطن الحوت
دايما هكون وياك
انا فى الدنيا علشانك
لانى حبيتك بجد
لانى بصحيح بهواك
_________________
عطيه خضرى عطيه
قلين / كفر الشيخ
