سؤال بس عاوز ليه اجابه
اللى احنا فيه بالذمه مش خيابه
بناكل ف بعض زى الديابه
والله واثق ان جوه كل منا كل خير
وانها مجرد سحابه
دى بلدنا بنحبها وميتين صبابه
لازم نتحد يا خلق هووه
عشان البلد وولادها الغلابه
اختلفنا صحيح لكننا اخوات
والبطن قلابه
مصركم قويه
وكل يوم بتزيد صلابه
راح نتحد بأذن الله
وتموت الغوله الدحلابه
ويزول الناس السحابه
مصرنا اختارت نتحد
مصرنا قالت الوحده
وعمرها ما كانت كدابه
لازم نشيل الامانه
واللى يكل منا نحاسبه
وبلدنا حسابه
ولو افترقنا
يبقى خلصنا
وتندب الندابه
الفين سلامه يا بلد
ياللى امرك بين ولادك شورى
الفين سلامه يا بلد
ياللى حقك خلاص بقه صوره
الفين سلامه يا بلد
يا واقفه وانت مكسوره
شايفه ولادك بيقطعوا فيكى
وواقفه محصوره
لكن بوحدتنا هتكونى منصوره
اكيد يا امى
محدش هيقدر يلعب بيكى الكوره
على ايد ولادك راح تفضلى
يا بلدنا مستوره
راح تفضلى دايما جميله
راح تفضلى مصر اموره
لابسه توب العرس
متزينه وغندوره
==================
اللى بيحصل فيكى بلوى وكات طخينه
تعطيل فى العمل
ومفيش امل
متلذذين كانه عسل بطحينه
عريانين يا امى
مدى ايدك غطينا
حوطينا
الفرقه عمرها قصير
ولاعمرها عنك هتلهينا
دى زوبعه عمرها متفرق شملنا
وعمرها متغرق السفينه
والله يا امه بنحبك
ولاعمرنا شلنالك ضغينه
ولاعمرنا اتبلطجنا
على ناسك المسكينه
امشى يا طيطه
عمرك مهاتحورينا
محدش غيرنا يحسنا
احنا اللى حاسس بينا
30 سنه فى الهم
م الهم ملينا
عايزين نشوف الامل
اللى مالينا
عايزين نشوف اللى لينا
يارب تسترنا
وتحفظنا من اعادينا
يارب من كل هم عدينا
يارب احفظ اهالى مصر
احفظ اهالينا
يارب انته اللى عالم بينا
احفظ حدود بلدنا
فى ليبيا والسودان
واحفظ حدودنا ف سينا
يارب ثبت مراسينا
